...

პრევიუ: დორტმუნდის ბორუსია - ბაიერნი

დღეს 19 ნოემბერია, შაბათი და მიუნხენის "ბაიერნის" გულშემატკივრებისთვის ძალიან, ძალიან მნიშვნელოვანი დღე. საღამოს, კარლო ანჩელოტის გუნდი "სიგნალ იდუნა პარკს" ეწვევა და ბოლო წლებში თავის მთავარ კონკურენტს დაუპირისპირდება. გერმანიაში ამ თამაშს უკვე "კლასიკა" შეარქვეს და ბუნებრივია, რომ ეს სეზონის ყველაზე მნიშვნელოვანი ორი მატჩიდან ერთ-ერთი და ყველაზე მძიმეა, რადგან "ბაიერნი" დორტმუნდში ჩადის.

დორტმუნდის ბორუსია - ბაიერნი
ჩემპიონატი: გერმანიის ბუნდესლიგა, XI ტური
თარიღი: 21:30 საათი, 19 ნოემბერი
სტადიონი: "სიგნალ იდუნა პარკი", დორტმუნდი
მთავარი მსაჯი: ტობიას შტილერი
პირდაპირი ტრანსლიაცია: Silk სპორტ HD1

გუნდების წინასამატჩო მდგომარეობა
ზედიზედ სამი ფრის შემდეგ დორტმუნდის "ბორუსიამ" ბუნდესლიგის წინა ტურში სტუმრად "ჰამბურგი" 5:2 გაანადგურა და სანაკრებო პაუზაზე კარგი განწყობით გავიდა. პიერ-ემერიკ ობამეიანგმა კი კარიერაში პირველი პოკერი გაიფორმა და ბომბარდირთა დავაში ენტონი მოდესტეს დაეწია. "ყვითლები" ჩემპიონთა ლიგაზე წარმატებით ასპარეზობენ, მაგრამ ტრავმიანობის გამო მსხვერპლს ეროვნულ ჩემპიონატში იღებენ და უკვე საკმაოდ ბევრი ქულა გაანიავეს. ტომას ტუხელის გუნდს დაცვაში სერიოზული პრობლემები აქვს, რადგან მატს ჰუმელსის წასვლის შემდეგ ცენტრი მოიშალა და ახალი თანდემი ვერაფრით შეიკრა. ბოლო პერიოდში ტუხელი მატიას გინტერს ტვირთავს, რომელიც სოკრატისს შეუწყვილდება. "ბორუსიას" ძალიან ბევრი წამყვანი მოთმაშე აკლდა, მაგრამ მათი უმრავლესობა უკვე სრულ მზადყოფნაშია. ნევენ სუბოტიჩი, ერიკ დურმი და სვენ ბენდერი კი კვლავ ტრავმირებულნი არიან. დღეისთვის მარკო როისი უნდა დაბრუნებულიყო, მაგრამ გერმანელმა შემტევმა გუშინდელ ვარჯიშზე ახალი, ქუსლის დაზიანება მიიღო და კვლავ ლაზარეთში მოხვდა. "ბორუსიას" საკმაოდ ძლიერი და მრავალფეროვანი შემტევები ჰყავს, თანაც უსმან დემბელე, მარიო გიოტცე და ანდრე შურლე ჯერ კიდევ ბოლომდე არ გახსნილან. სამაგიეროდ, გონსალო კასტრო და ობამეიანგი ბრწყინავენ. დორტმუნდელები 18 ქულით მეხუთე ადგილზე არიან, მაგრამ წინ აუცილებლად ავლენ, ხვალინდელი თამაში პრინციპიალურად მნიშვნელოვანია. ბოლო წლებში "ყვითლებს" "რეკორდმაისტერის" წინააღმდეგ ძალიან უჭირთ და ქომაგებს გერმანიის უძლიერესი კლუბის გამწარება მოენატრათ. "ბორუსიას" საკუთარ მოედანზე ნებისმიერი მეტოქის დამარცხება შეუძლია და დღეს ამის დამტკიცებას შეეცდება.

მიუნხენურმა გრანდმა კი წინა ტურში მოგებების სერია შეწყვიტა და ქულები შინ, "ჰოფენჰაიმის" წინააღმდეგ, დაკარგა. კარლო ანჩელოტის გულშემატკივრები ნაკლებად კრეატიული და არადამაჯერებელი თამაშის გამო აკრიტიკებენ, ახლა კი იტალიელ სპეციალისტს საკმაოდ სერიოზული გამოცდა ელის. დორტმუნდის "ბორუსიას" გასვლაზე დამარცხება საკმაოდ სერიოზული განაცხადი იქნება, ამიტომ "ბაიერნი" მაქსიმალურად მონდომებული და კონცენტრირებულია. სამწუხაროდ, გუნდს რამდენიმე მნიშვნელოვანი დანაკლისი აქვს. "რეკორდმაისტერს" კინგსლი კომანისა და ხავი მარტინესის გარდა, უკვე არიენ რობენიც ვერ დაეხმარება. გამოცდილმა ჰოლანდიელმა დაზიანება ეროვნულ ნაკრებში მიიღო და ანჩელოტი უბრალოდ არ რისკავს. გარდა ამისა, არტურო ვიდალისა და დუგლას კოშტას თამაშია საეჭვო. საბედნიეროდ, მანუელ ნოიერმა და ჟერომ ბოატენგმა მინიტრავმები მოიშუშეს. "ბაიერნს" მძიმე საკადრო მდგომარეობა აქვს, მაგრამ დაცვის ხაზი სრული შემადგენლობითაა, ტომას მიულერი და რობერტ ლევანდოვსკი კი ჯანზე არიან. ახლა პირველი წრის ყველაზე მნიშვნელოვანი ნაწილი დაიწყო და ანჩელოტის "ბაიერნმა" იდეალურთან მაქსიმალურად მიახლოვებული თამაშის ჩვენება უნდა დაიწყოს. დორტმუნდში გამარჯვების მოპოვება ძალიან, ძალიან რთულია, მაგრამ მიუნხენელებმა ამისათვის ძალები არ უნდა დაიშურონ.

სუპერთასზე "ბაიერნმა" დორტმუნდში 2:0 იმარჯვა, მაგრამ ეს სულ სხვა თამაში იქნება. ტომას ტუხელისა და კარლო ანჩელოტის პირველი სერიოზული დაპირისპირება უაღრესად დიდ ინტერესს იწვევს.

სავარაუდო შემადგენლობები
დორტმუნდის ბორუსია: ბიურკი; პიშჩეკი, სოკრატისი, გინტერი, გერეირო; ვაიგლი; უსმან დემბელე, კასტრო, გიოტცე, შურლე; ობამეიანგი.

ბაიერნი: ნოიერი; ლამი, ბოატენგი, ჰუმელსი, ალაბა; ტიაგო, ალონსო, ვიდალი; მიულერი, ლევანდოვსკი, რიბერი.

საინტერესო ფაქტები
  • ერთმანეთს ბუნდესლიგის საუკეთესო შეტევა და დაცვა დაუპირისპირდება. დორტმუნდის "ბორუსიამ" საწყის ათ ტურში 25 ბურთი გაიტანა, "ბაიერნმა" კი მხოლოდ ექვსი გაუშვა.

  • მატს ჰუმელსი და რობერტ ლევანდოვსკი დორტმუნდში ბრუნდებიან და "ბორუსიას" წინააღმდეგ იასპარეზებენ. თავისმხრივ, ყოფილ კლუბს, მარიო გიოტცე და სებასტიან როდეც შეხვდებიან.

  • ტომას ტუხელის გუნდს გერმანიის ეროვნულ ჩემპიონატში, "სიგნალ იდუნა პარკზე", 26 მატჩიანი დაუმარცხებელი სერია აქვს, რაც საკლუბო რეკორდია.

  • "ბორუსია", ბოლოს, საკუთარ მოედანზე, სწორედ მიუნხენის "ბაიერნმა" დაამარცხა. გასულ სეზონში, "რეკორდმაისტერმა" დორტმუნდში, რობერტ ლევანდოვსკის გოლით, 1:0 იმარჯვა

  • თავისმხრივ, მიუნხენურ გრანდს 2016 წელს ბუნდესლიგის გასვლითი თამაში არ წაუგია (10მ, 3ფ).

  • "ბაიერნს" დორტმუნდის "ბორუსიასთან", ყველა ტურნირზე ერთად, შვიდმატჩიანი დაუმარცხებელი სერია აქვს (4მ, 3ფ).

  • გერმანიის ბუნდესლიგაში "ბაიერნს", "ყვითლების" წინააღმდეგ, ბოლო ორი სეზონია არ წაუგია (სამი მოგება, ერთი ფრე). "სიგნალ იდუნა პარკზე" კი მიუნხენელებს 2012 წლის აპრილის შემდეგ არ წაუგია (0:1).

მწვრთნელების წინასამატჩო კომენტარები
ტომას ტუხელი: ​"ეს არის ფეხბურთი, სადაც ყველაფერია შესაძლებელი. ახლა იმ ფაზაში ვართ, როდესაც ყველაფერი ნამდვილად არ გამოგვდის. სწორედ ამიტომ, მინდორზე უფრო მეტი ემოციურობა და აგრესიულო გვჭირდება, განსაკუთრებით დაცვაში.

გადამწყვეტი კი სითამამეა, რომელიც აუცილებლად უნდა გამოვავლინოთ და ქომაგების მხარდაჭერა ერთიორად გავზარდოთ. მხოლოდ ამ შემთხვევაში მივაყენებთ "ბაიერნს" ზიანს."

კარლო ანჩელოტი: ​"რიბერი მზად არის. არტურო ვიდალი და დუგლას კოშტა გადაღლილები არიან და მათი თამაში გარკვეული რისკი იქნება. არიენ რობენი, კინგსლი კომანი და ხავი მარტინესი კი ვერ დაგვეხმარებიან.

დღეს მაქსიმუმი უნდა დავდოთ და ასი პროცენტით დავიხარჯოთ, რადგან სხვანაირად გამარჯვების მოპოვება შეუძლებელია.

ძალიან ცუდია, რომ მარკო როისი არ ითამაშებს. ის ფანტასტიკური მოთამაშეა, მაგრამ "ბორუსიას" სხვა ვარიანტებიც აქვს."

პრომო

დავით მაღრაძე, სპეციალურად Bayern.ge-სთვის
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ დორტმუნდის ბორუსია
მსგავსი სიახლეები
კომენტარები
mamuka darchia
mamuka darchia | 19 ნოემბერი 2016 20:25
ეს ლაიპციგი რა დღეშია ტო
Olga Y.neump
Olga Y.neump | 2 ოქტომბერი 2017 00:19
Очарован, требует просмотра, главное как современно, , лучше превоплощают ту же идею здесь мастер холодильник MasterCook митино
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა