მიუნხენის "ბაიერნის" ბრაზილიელმა ახალწვეულმა, ფილიპე კოუტინიომ, აღნიშნა, რომ მის გერმანიაში გადაბარგებაში რობერტო ფირმინოსაც მიუძღვის წვლილი.
"ფირმინოს ველაპარაკე და ბუნდესლიგაში არსებულ დაძაბულ მატჩებსა და მაღალ ინტენსიურობაზე ვესაუბრე.
მან ბუნდესლიგის გუნდებზე ბევრი რამ მითხრა და ძალიან დამეხმარა.
"ლივერპულში" რამდენიმე წელი მაქვს ნათამაშები და "ბაიერნში" პირველივე დღეებში შევამჩნიე, რომ გერმანიაში ფეხბურთი ისეთივე ინტენსიურია, ვიდრე ინგლისში.
აქ გაცილებით მაღალი ინტენსიურობა და დატვირთვაა, ვიდრე ესპანეთსა და ბრაზილიაში. ეს კი ჩემთვის კარგია", - განაცხადა 27 წლის სამხრეთ ამერიკელმა.
ფილიპე კოუტინიო "ლივერპულის" ღირსებას 2013-18 წლებში იცავდა და 2015 წლიდან თამაშობდა რობერტო ფირმინოს გვერდით, რომელიც მანამდე 2011-15 წლებში "ჰოფენჰაიმის" ღირსებას იცავდა და ბუნდესლიგაში ბრწყინავდა.
კოუტინიო "ბაიერნს" ამ ზაფხულს კატალონიის "ბარსელონადან" იჯარის წესით შეუერთდა.