...

აეკი - ბაიერნი: მორიგი გამარჯვების მოლოდინში

მიუნხენურმა გრანდმა გასულ უქმეებზე წარუმატებელი სერია შეწყვიტა და ახლა ახალი, გამარჯვებების, ფაზის დაწყებას შეეცდება.

"ბაიერნი" ჩემპიონთა ლიგის ამ საღამოს ჯგუფის აუტსაიდერ ათენის "აეკს" გასვლაზე დაუპირისპირდება.

აეკი - ბაიერნი

ჩემპიონატი: ჩემპიონთა ლიგის ჯგუფური ეტაპი, მე-3 ტური
თარიღი: 20:55 საათი, 23 ოქტომბერი
სტადიონი: "სპიროს ლუისი", ათენი
მთავარი მსაჯი: ალეკსეი კულბაკოვი

საბერძნეთის ჩემპიონებმა ჯგუფური ეტაპის პირველი ტური ჩააგდეს და ამსტერდამში "აიაქსთან" უშანსოდ განადგურდნენ (0:3), მაგრამ შედმეგ საკუთარ მოედანზე ლისაბონის "ბენფიკას" საკმაოდ სერიოზული ბრძოლა შესთავაზეს და 2:3 დამარცხდნენ. ახლა "აეკს" სხვა გზა აღარ აქვს და მიუნხენურ გრანდთან უნდა სცადოს ქულების მოპოვება.

საბერძნეთის სუპერლიგაში "აეკმა" მთავარ კონკურენტ "პაოკთან" მარცხის (0:2) შემდეგ მოუმატა და ბოლო 3 შეხვედრაში  ქულა დააგროვა, მაგრამ 13 ქულით ჯერ მხოლოდ მესამე ადგილზეა და ლიდერებს 6 ქულით ჩამორჩება. მარინოს ოზუნიდისს საკმაოდ მებრძოლი გუნდი ჰყავს, რომელიც "ბაიერნს" არაფერს დაუთმობს.

მიუნხენური კლუბი სანაკრებო შესვენებაზე ცუდი შედეგებით გავიდა - 4 მატჩიანი მოუგებელი სერია და ძალიან წარუმატებელი თამაში. ამ პერიოდში ნიკო კოვაჩის გუნდმა საკუთარ მოედანზე ამსტერდამის "აიაქსთან" ძალიან სუსტი თამაში ჩაატარა და გაუმართლა, რომ სახლში ქულა მაინც აიღო (1:1). თუმცა გასულ უქმეებზე "ბაიერნმა" რეაბილიტირება მოახდინა და სტუმრად "ვოლფსბურგი" რობერტ ლევანდოვსკის დუბლით 3:1 დაამარცხა.

მიუნხენელები 4 ქულით ჯგუფში მეორე ადგილს იკავებენ და ცხადია, ეს მათი მიზანი ნამდვილად არ არის. "ბაიერნს" ჯერ კიდევ აქვს გარკვეული პრობლემები, მაგრამ ათენში გერმანული გრანდი მხოლოდ მოსაგებად და ქომაგების კიდევ უფრო მეტად გასახარებლად ჩავიდა. კოვაჩის გუნდს ფრანკ რიბერი დააკლდება, მაგრამ ეს დიდი პრობლემა არ არის.

სავარაუდო შემადგენლობები

აეკი: ბარკასი - ბაკაკისი, ოიკონომუ, ლამპროპოლუსი, ჰულტი; ბაკასეტასი, სიმოეში, გალანოპოლუსი, მანტოლასი - კლონარიდისი - პონსე.
მატჩს გამოტოვებენ: ელდერ ლოპეში, ლივაია (ორივე დისკვალიფიკაცია), მორანი (ტერფი).

ბაიერნი: ნოიერი - კიმიხი, ზიულე, ბოატენგი, ალაბა - ტიაგო, გორეცკა - რობენი, ხამესი, მიულერი - ლევანდოვსკი.
მატჩს გამოტოვებენ: კომანი (ტერფი), ტოლისო (მუხლი), რიბერი (ზურგი).

ფაქტები და სტატისტიკა

  • ეს "აეკისა" და "ბაიერნის" ისტორიაში პირველი ურთიერთშეხვედრაა.

  • მიუნხენის "ბაიერნს" ბერძნული კლუბების წინააღმდეგ არასოდეს წაუგია - 7 მოგება, 2 ფრე.

  • "რეკორდმაისტერს" ჩემპიონთა ლიგის გასვლით შეხვედრებში 6 მატჩიანი დაუმარცხებელი სერია (5 მოგება, 1 ფრე) აქვს.

  • ჯგუფური ეტაპის პირველ ტურში "ბაიერნმა" "ბენფიკა" ლისაბონში 2:0 დაამარცხა და ბოლო 15 გასვლითი მატჩიდან ერთადერთხელ შეინახა კარი მშრალად.

  • "ბაიერნი" საბერძნეთს ბოლოს 2015/16 წლების სეზონში ეწვია, როდესაც პეპ გვარდიოლას გუნდმა "ოლიმპიაკოსი" სტუმრად 3:0 დაამარცხა და თომას მიულერმა დუბლი გაიფორმა.

  • გერმანულმა გრანდმა ბერძნული გუნდების წინააღმდეგ ბოლო 6 შეხვედრაში კარი მშრალად შეინახა, თავად კი 13 ბურთი გაიტანა.
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ჩემპიონთა ლიგა პრევიუ
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები



სატურნირო მდგომარეობა