...

პრევიუ: როსტოვი - ბაიერნი

დღეს ჩემპიონთა ლიგის ჯგუფური ეტაპის მეხუთე ტურის მორიგი მატჩება გაიმართება. სათამაშო დღეს კი მიუნხენის "ბაიერნი" გახსნის, რომელიც სტუმრად "როსტოვს" დაუპირისპირდება და აუცილებელი სამი ქულის მოპოვებას ეცდება.

როსტოვი - ბაიერნი
ჩემპიონატი: ჩემპიონთა ლიგა, ჯგუფური ეტაპი, V ტური
თარიღი: 21:00 საათი, 23 ნოემბერი
სტადიონი: "ოლიმ 2", როსტოვი
მთავარი მსაჯი: არტურ დიასი (პორტუგალია)
პირდაპირი ტრანსლიაცია: Silk სპორტ HD1

გუნდების წინასამატჩო მდგომარეობა
"როსტოვმა" სანაკრებო პაუზამდე წარუმატებელი სერია შეწყვიტა და ზედიზედ ხუთი მოუგებელი თამაშის შემდეგ შინ "არსენალ ტულა" 4:1 გაანადგურა. გასულ უქმეებზე კი კაზანში რთული მატჩი ჩაატარა და "რუბინთან" უგოლო ფრეს დასჯერდა. ივან დანილიანტსის გუნდი ჩემპიონთა ლიგაზე საკმაოდ ნორმალურად გამოიყურება. რუსებმა "პსვ-სა" და მადრიდის "ატლეტიკოს" სერიოზული წინააღმდეგობა გაუწიეს, თანაც დასაკარგი არაფერი აქვთ. "როსტოვი" ევროპის ყველაზე პრესტიჟულ ტურნირზე ისტორიაში პირველად ასპარეზობს და ამ მომენტის მაქსიმალურად გამოყენებას ეცდება. როსტოველები დღევანდელ შეხვედრას დანაკლისის გარეშე ხვდებიან, რაც მათთვის მშვენიერია. რუსული კლუბის შემადგენლობაში ყველაზე საინტერესო მოთამაშეები კრისტიან ნობოა, ეროხინი და პოლოზი არიან. ეს "როსტოვის" ბოლო საშინაო მატჩია ჩემპიონთა ლიგის ჯგუფურ ეტაპზე და დანილიანტსის შეგირდები მინდორზე ყველაფერს დადებენ, რათა ღირსეულად იასპარეზონ.

მიუნხენური გრანდი კი ცუდ განწყობაზეა, რადგან გასულ უქმეებზე "ბაიერნი" მთავარ კონკურენტ დორტმუნდის "ბორუსიასთან" გასვლაზე დამარცხდა და ბუნდესლიგაში ლიდერობაც დაკარგა. თუმცა, კარლო ანჩელოტის გუნდი ჩემპიონთა ლიგაზეც მეორეა და იმისათვის, რომ ბოლო ტურში შანსები ჰქონდეს დღეს გამარჯვება ესაჭიროება. "რეკორდმაისტერს" კვლავ საკმაოდ სერიოზული დანაკლისი აქვს. კინგსლი კომანის გარდა გუნდს ხავი მარტინესი, არტურო ვიდალი და არიენ რობენი ვერ დაეხმარებიან. გუშინ კი ცნობილი გახდა, რომ მატჩს მანუელ ნოიერიც გამოტოვებს. 30 წლის გერმანელ კიპერს კუნთის პატარა პრობლემები აქვს და მიუნხენში დარჩა. მანუს 28 წლის გერმანელი, სვენ ულრაიხი, შეცვლის, რომელიც მიმდინარე სეზონში პირველ თამაშს ჩაატარებს. მიუხედავად საკადრო პრობლემებისა, იტალიელი სპეციალისტი, სავარაუდოდ, როტაციას კვლავ მიმართავს და ძირითადში რენატო სანჩეშის ხილვაა მოსალოდნელი. პორტუგალიელი ჯოშუა კიმიხს შეცვლის, რომელმაც დორტმუნდში ძალიან სუსტი მატჩი ჩაატარა. არ არის გამორიცხული, რომ პირველივე წუთებიდან დაიწყოს დუგლას კოშტამაც, რომელიც ძალიან სწრაფი და ტექნიკური ვინგერია. "როსტოვის" წინააღმდეგ კი, საკმაოდ რთული კლიმატური პირობების ფონზე, ტომას მიულერს მართლაც ბრაზილიელის დაყენება სჯობს.

რა თქმა უნდა, მიუნხენური გრანდი ფავორიტია და ვალდებულია, რომ სამი ქულა მოიპოვოს. წინააღმდეგ შემთხვევაში, "ბაიერნის" მოთამაშეებს მართლაც "უშანკა" ქუდების დაფარება და სახლში ისე დაბრუნება მოუწევთ.

სავარაუდო შემადგენლობები
როსტოვი: ჯანაევი - კალაჩევი, მევლია, ნავასი, გრანატი, კუდრიაშოვი; გატსკანი, ნობოა, ეროხინი; პოლოზი, აზმუნი.

ბაიერნი: ულრაიხი - ლამი, ბოატენგი, ჰუმელსი, ალაბა - რენატო სანჩეში, ალონსო, ტიაგო - დუგლას კოშტა, ლევანდოვსკი, რიბერი.

საინტერესო ფაქტები
  • წინა ტურში "პსვ-ს" სტუმრად დამარცხებით (2:1) მიუნხენის "ბაიერნმა" ფლეი-ოფში თამაში გაინაღდა და მერვედფინალში ზედიზედ მეცხრედ გავიდა.

  • მადრიდის "ატლეტიკოსთან" წაგებამდე (0:1), "როსტოვს" საკუთარ მოედანზე, ყველა ტურნირზე ერთად, 26 მატჩიანი დაუმარცხებელი სერია ჰქონდა.

  • "რეკორდმაისტერი" ჯგუფიდან პირველი ადგილით, ბოლოს, 2009/10 წლების სეზონში ვერ გავიდა და საბოლოოდ, მაინც ფინალამდე მიაღწია.

  • "ბაიერნი" რუსეთს მეათედ ეწვევა და წინა ცხრა ვიზიტიდან მხოლოდ ერთხელ დამარცხდა (5მ, 3ფ). ეს 2008 წელს, უეფას თასის ნახევარფინალში მოხდა, როდესაც "ზენიტმა" გერმანული გრანდი სენსაციურად 4:0 გაანადგურა. იმ შეხვედრაში მონაწილეობა ფილიპ ლამმა და ფრენკ რიბერიმ მიიღეს.

  • კარლო ანჩელოტის "როსტოვი" უკვე ჰყავს დამარცხებული. მისმა ტურინის "იუვენტუსმა" რუსული კლუბი 1999 წლის ინტერტოტოს თასზე შინ 5:1 და სტუმრად 4:0 გაანადგურა.

  • ფილიპ ლამი დისკვალიფიკაციის ზღარზეა და თუ დღეს ყვითელ ბარათს მიიღებს, მადრიდის "ატლეტიკოსთან" საშინაო მატჩს გამოტოვებს.

მწვრთნელების წინასამატჩო კომენტარები
ივან დანილიანტსი: ​"არ ვიცი "ბაიერნი" რა შემადგენლობით ითამაშებს, მაგრამ ნებისმიერ შემთხვევაში, ეს ევროპის ერთ-ერთი უძლიერესი კლუბია. პირველ თამაშში ისე ცუდად არ გვითამაშია, როგორც ეს ტაბლოზე აისახა. ​​​მიუნხენში საკმაოდ კარგად დავიწყეთ და ორგანიზებული დაცვის წყალობით მეტოქეს ბევრი არაფრის უფლება მივეცით. თუმცა, გადამწყვეტი ბურთს ფლობა და სისწრაფე აღმოჩნდა, რაშიც "ბაიერნმა" საბოლოოდ, დაგვჯაბნა."

კარლო ანჩელოტი: ​"როსტოვი" ტაქტიკურად ძალიან კარგი გუნდია და დაცვაში ორგანიზებულად თამაშობს. ისინი კონტრშეტევებზე სახიფათონი არიან და თანაც, დიდ სივრცეებს არ ტოვებენ. დარწმუნებული ვარ, კვლავ 5:0 არ იქნება, ამჯერად ბრძოლა მოგვიწევს.

დორტმუნდის "ბორუსიას" წინააღმდეგ სამი თავდამსხმელით ვითამაშეთ და სისტემის შეცვლა არ გვსურს. უნდა შევუტიოთ, მოვძებნოთ ზონები და არ დავკარგოთ ბურთი. როსტოველებმა "პსვ-ს" წინააღმდეგ კარგად ითამაშეს და "ატლეტიკოსთან" წინა ტურში მარცხს არ იმსახურებდნენ."​​​скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ ჩემპიონთა ლიგა
მსგავსი სიახლეები
კომენტარები
heineken
heineken | 23 ნოემბერი 2016 16:16
დღეს უეჭველი უნდა დავამარცხოთ რუსეი დამაჯერებლათ დღეს ვერ მოგება ჯგუფში 1 ადგილის დაკარგვას ნიშნავს ადმინ სმაილები გააკეთე რა
OliaUsele
OliaUsele | 26 ნოემბერი 2016 22:04
Довольно популярная озвучка, было бы интересно поспорить об увиденном. :]
Думаю комментируемое достойно доверия и даже более того.

Еще говорим про ??????: ??????? - ??????? » ????????? "????????" ???-????? здесь [url=http://volchki.ru/user/Kunisbal/]центр москва ремонт холодильников[/url].

----------
механический ремонт холодильников Бауманский
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა