ვან ბუიტენი ზიულე ძლიერია მაგრამ განვითარება სჭირდება

მიუნხენური კლუბის ყოფილმა ცენტრალურმა მცველმა, დანიელ ვან ბუიტენმა, ნიკლას ზიულეს შესაძლებლობები განიხილა.

"ზიულე დიდი, ძლიერი მცველია, მაგრამ აგრეთვე შეუძლია იყოს უფრო სწრაფი. მას აქვს ყველაფერი იმისათვის, რომ დიდებული კარიერა მოიწყოს.

სისწრაფის გარდა ვფიქრობ, რომ მას შეუძლია უფრო სახიფათო და აგრესიული იყოს საკუთარი გუნდის სტანდარტულების დროს.

ზიულე თუ ჰუმელსი ? არ ვიცი, ამას სეზონის ბოლოს ვნახავთ. ჯერჯერობით, სტატისტიკისა და გოლების მიხედვით, ორივე კარგი და მაღალი კლასის მოთამაშეა", - განაცხადა 41 წლის ბელგიელმა.

ნიკლას ზიულე, რომელიც ჯერ მხოლოდ 24 წლისაა, "ბაიერნმა" 2017 წლის ზაფხულში "ჰოფენჰაიმიდან" 20 მილიონ ევროდ გადაიბირა.

გასულ სეზონში კი ნიკლასმა გუნდის ძირითადში დაიკავა ადგილი და ამ ზაფხულს მის გამო მატს ჰუმელსს მოუწია კლუბის დატოვება.