...

ინტერვიუ იუბილართან - როგორ არის ოტმარ ჰიტცფელდი?

მიუნხენის "ბაიერნის" ყოფილმა მთავარმა მწვრთნელმა, ყველა დროის ერთ-ერთმა ყველაზე წარმატებულმა სპეციალისტმა, ლეგენდარულმა ოტმარ ჰიტცფელდმა, თავის დაბადების დღეზე მიუნხენურ გამოცემასთან ვრცელი ინტერვიუ ჩაწერა.

"გენერალმა", რომელიც დღეს 70 წლის გახდა, "TZ-Online-თან" ბევრ საინტერესო თემაზე ისაუბრა, მათ შორის თავის დღევანდელ ცხოვრებასა და სამომავლო გეგმებზე.

ოტმარ ჰიტცფელდი მიუნხენის "ბაიერნს" 1998-2004 და 2007-08 წლებში წვრთნიდა. მან "რეკორდმაისტერს" 14 ტიტული მოაგებინა, მათ შორის 2001 წლის ჩემპიონთა ლიგის ტიტული და 5 ვერცხლის სინი.

მისტერ ოტმარ, თქვენ ყოველთვის იქნებით ერთ-ერთი ყველაზე მოთხოვნადი რესპოდენტი და კარიერის დასრულების ექსპერტი. უკვე დაგიგროვდათ მოლოცვები?

"ოჰ, დიახ ბევრი რამ უკვე მოხდა, მაგრამ ეს არ არის პრობლემა - დრო მაქვს (იცინის). 50 წლის იუბილე განსხვავებული იყო - მაშინ ყოველდღიურ საქმეში ვიყავი ჩართული და სულ სხვა დატვირთვა მქონდა. ახლა კი ყველაფერი მშვენივრად შეიცვალა".

როგორ ხართ?

"მას შემდეგ, რაც სამწვრთნელო კარიერა დავასრულე, სტრესი აღარ მაწუხებს. პენსიაში გასული ადამიანის ცხოვრება კარგად ორგანიზებულია. მთელი ჩემი ცხოვრება სტრესული სიტუაციებით იყო სავსე. ყოველთვის მთხოვდნენ შედეგს და ზოგჯერ ეს ჩემი ჯანმრთელობის ფასად ხდებოდა. დღეს კარგად ვარ, ჩემი ოჯახი, ჩემი შვილიშვილები - შემიძლია ცხოვრებით დავტკბე".

როგორია თქვენი ყოველდღიური ცხოვრება - კიდევ ათენებთ ღამეებს?

"მე დაძინება შემიძლია და ეს პრივილეგიაა. რვის ნახევარზე გაზეთებს ვიღებ, შემდეგ მიყვარს წიგნების კითხვა. მცირედი სპორტი ჩემი სახლის დარბაზში, თხილამურები ზამთარში, ცოტა გოლფი ზაფხულში, მოგზაურობა მთებში ან მიუნხენში ჩემს შვილთან ვიზიტი - როგორც ხედავთ, საწუწუნო არაფერი მაქვს".

აი წარმოიდგინეთ, რომ დაჯექით გაზეთის წასაკითხად - რას კითხულობთ პირველი: კვლავ სპორტი, ფეხბურთი თუ უფრო პოლიტიკა და სხვა საკითხები?

"ფეხბურთი ყოველთვის ჩემი გრძნობაა და პირველ ადგილზეა, აგრეთვე ძალიან დაინტერესებული ვარ პოლიტიკით. ახლაც რომ ვკითხულობ საფეხბურთო სიახლეებს, ამას არ ვიღებ, როგორც ფანი, რადგან არასოდეს ვყოფილვარ ფანი, მუდმივად მოქმედებაში ვიმყოფებოდი. აგრეთვე ხშირად მიწვევენ, როგორც ექსპერტს, ამიტომ უნდა ვიცოდე რა ხდება ირგვლივ".

როდესაც ტელევიზორში ფეხბურთს უყურებთ ამასაც მწვრთნელის თვალით აკეთებთ?

"სამწვრთნელო ხედვას ვერასოდეს მოიშორებ. ეს იწყება მაშინ, როდესაც ძირითად შემადგენლობებს გადახედავ - სათამაშო ტაქტიკა, წყობა ყოველთვის მაინტერესებს".

დორტმუნდის "ბორუსია" 2017 წელს პიტერ ბოშის წასვლის შემდეგ დაგიკავშირდათ. ეს თქვენთვის ბოლო შემოთავაზება იყო?

"არა. ყოველთვის არის წინადადება, ხშირად საზღვარგარეთიდანაც, მაგალითად აზიიდან. გერმანიაში ჩემი გადაწყვეტილება ყველამ იცის: მთავარი მწვრთნელი არასოდეს ვიქნები. ჩემი წასვლა შვეიცარიის ნაკრებიდან 2014 წელს ლამაზი დასასრული იყო, ჩემთვის ძალიან მნიშვნელოვანი ისევე, როგორც 2008 წელს "ბაიერნთან" დუბლით დამშვიდობება. ყოველთვის უნდა მოძებნო შესაფერისი დრო და მიხარია, რომ ამას ყოველთვის წარმატებით ვაკეთებდი".

შეგიძლიათ დაასახელოთ ყველაზე კურიოზული შემოთავაზება თქვენს კარიერაში?

"ჩინეთი აკვირდება ცნობილ სპეციალისტებს - ასეთია ახალი ბაზარი. თუმცა რეალურად უცნაური შემოთავაზება არ არსებობს. გამიმართლა, რომ ხშირად მაღალი დონის ევროპულ მისამართებს ვიღებდი. როდესაც 1997 წელს დორტმუნდის "ბორუსიასთან" ერთად ჩემპიონთა ლიგა მოვიგე, მადრიდის "რეალის" პრეზიდენტთან შეხვედრა მქონდა. ამ კლუბის ინტერესმა იმ პერიოდში ძალიან გამახარა, ეს დიდი პატივი იყო და რამდენიმე დღით საქმეს მოვცდი. თუმცა შემდეგ ვიფიქრე: შესაძლოა ესპანურის სწავლაში დიდი დრო დავკარგო. ასე, რომ ჩემი აზრით, მნიშვნელოვანია ენის ცოდნა. ეს მიმზიდველი იყო, მაგრამ "რეალის" ამიტომ ვუთხარი უარი".

ვინ იყო თქვენთვის გამორჩეული მოთამაშე, რომელთან ერთადაც გიმუშავიათ?

"ვფიქრობ, ყველა დანარჩენს ეწყინება თუ ვინმეს გამოვყოფ. ძალიან ბევრ მსოფლიო დონის ვარსკვლავთან მაქვს ნამუშევარი და შემიძლია ბედნიერი ვიყო. ბევრი გამორჩეული მენტალიტეტი მახსოვს, აგრეთვე ჩემთვის ძალიან მნიშვნელოვანი იყო მოთამაშე, რომელიც შეცვლიდან გვეხმარებოდა. როდესაც გუნდს ვაშენებდი, ყოველთვის უნდა დამენახა მამაკაცი მოთამაშის უკან. ადამიანობა ამ ძალიან მძლავრ საქმეში მნიშვნელოვანია: ფეხბურთელი ამჩნევს, როდესაც ვინმე მას არასწორად ექცევა. მთავარი მწვრთნელი მკაცრი უნდა იყოს, მაგრამ ემპათიური".

არის მოთამაშე, რომელსაც სიამოვნებით გაწვრთნიდით, მაგრამ ამის შანსი არ გქონიათ?

"ვფიქრობ, ამ შეკითხვაზე ყველას ერთი პასუხი ექნება - ლიონელ მესი. მესი ჩემთვის ოცნება იქნებოდა. თუნდაც კრიშტიანუ რონალდუ, რომელიც ასევე აღემატება მსოფლიო კლასს. ლოგიკურად, ეს ყველა მწვრთნელს აღიზიანებს. ეს ჩემთვის არასოდეს ყოფილა მნიშვნელოვანი, რადგან "ბაიერნში" მსოფლიო დონის მოთამაშეები მყავდა. ძალიან ვამაყობ, რომ ნამუშევარი მაქვს როგორც "ბაიერნში", ისე დორტმუნდის "ბორუსიაში". არ ვღელავ იმის გამო, რომ მესისთან ან რონალდუსთან მუშაობის შესაძლებლობა არ მქონია. თუნდაც ჯოვანი ელბერი გავიხსენოთ - რა თავდამსხმელი!  რა ბიჭი! უდავოდ ერთ-ერთი ყველაზე იღბლიანი და მადლიერი მწვრთნელი ვარ".

რითი ამაყობთ თქვენს კარიერაში?

"ვამაყობ, რომ ამდენი ხნის განმავლობაში მაღალ დონეზე ვიმუშავე. 2004 წელს მძიმე პერიოდი მქონდა, 2,5 წელი ვფიქრობდი და მეგონა, რომ აღარასოდეს დავბრუნდებოდი. შემდეგ "ბაიერნმა" მთხოვა ნაბიჯის გადადგმა და ეს ჩემთვის მნიშვნელოვანი იყო, როგორც სპორტული, ისე ფსიქოლოგიური თვალსაზრისით. ეს ჩემთვის უფრო ფასეული იყო, ვიდრე ყველა ტიტული ერთად აღებული".

დაბოლოს, რას უსურვებდით გერმანულ ფეხბურთს?

"2018 წელი გერმანული ფეხბურთისა და ეროვნული გუნდისთვის სიტუაციის გაანალიზებისა და ფიქრის წელიწადი იყო. ახლი გზების პოვნა და საკუთარი თავის გადატვირთვაა საჭირო. ვფიქრობ, იოახიმ ლიოვი ამ ცვლილებისთვის მზად არის. მან კარგ ფუნდამენტს ჩაუყარა საფუძველი. გერმანია კვლავ საფეხბურთო ძალაა. ძალიან ბევრი ახალგაზრდა, სწრაფი მოთამაშეა, რომლებიც დღეს ძალიან დიდ როლს ასრულებენ. ფანებმა არ უნდა ინერვიულონ, ბუნდესლიგა კარგად მუშაობს. ლეროი სანე, ტიმო ვერნერი, ლეონ გორეცკა, სერჟ გნაბრი, იოზუა კიმიხი, ნიკლას ზიულე - პოტენციალი კვლავ დიდებულია".скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ოტმარ ჰიტცფელდი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები



სატურნირო მდგომარეობა