მიუნხენის "ბაიერნის" ბრაზილიელმა შემტევმა, ფილიპე კოუტინიომ, ლონდონის "ტოტენჰემთან" გამარჯვება შეაფასა და გუნდში ინტეგრაციაზეც ისაუბრა.
"ეს იყო კარგი მატჩი კარგი გუნდის წინააღმდეგ. პირველი ტაიმი მძიმედ ჩავატარეთ, მწვრთნელმა შესვენებისას გვითხრა თუ რა უნდა გამოგვესწორებინა.
კარგი საუბარი გვქონდა პოზიციურ თამაშზე, ბურთის კონტროლსა და სტრუქტურაზე. ჩვენი თამაშის დონე ავწიეთ.
სამი ქულა ავიღეთ, რაც გამანადგურებელ ანგარიშზე მნიშვნელოვანია. ორი მატჩი მოვიგეთ და მაქსიმალური რაოდენობის ქულები ავიღეთ.
სეზონის სტარტიდან მოყოლებული ვგრძნობდი თანაგუნდელების, სამწვრთნელო შტაბის, გულშემატკივრების და თქვენ წარმოიდგინეთ ჟურნალისტების მხარდაჭერასაც.
არავისზე არ მინდა შურისძიება, უბრალოდ ფეხბურთისგან სიამოვნების მიღება მსურს. ახლა კი აქ ძალიან ბედნიერი ვარ", - განაცხადა 27 წლის ბრაზილიელმა.
ფილიპე კოუტინიო "რეკორდმაისტერმა" ამ ზაფხულს კატალონიის "ბარსელონადან" იჯარის წესით გადაიბირა.
კოუტინიომ ყველა ტურნირზე ერთად ჩატარებულ 7 თამაშში 2 გოლი გაიტანა, 2 ასისტი გააკეთა და ბოლო მატჩებში უფროდაუფრო უმატებს.