...

პრევიუ: ბაიერნი - ბაიერი

ჩემპიონთა ლიგის შემდეგ მიუნხენური გრანდი ბუნდესლიგაზე გადმოერთვება და საკუთარ მოედანზე ლევერკუზენის "ბაიერს" უმასპინძლებს. მატჩი რთული უნდა გამოვიდეს, მაგრამ მიუნხენელებისთვის "ბაიერი" მაინც სასიამოვნო მეტოქეა.

ბაიერნი - ბაიერი
ჩემპიონატი: გერმანიის ბუნდესლიგა, XII ტური
თარიღი: 21:30 საათი, 26 ნოემბერი
სტადიონი: "ალიანს არენა", მიუნხენი
მთავარი მსაჯი: მარკო ფრიტცი
პირდაპირი ტრანსლიაცია: Silk უნივერსალი

გუნდების წინასამატჩო მდგომარეობა
"სიგნალ იდუნა პარკზე" პრინციპულ მეტოქესთან მარცხის შემდეგ "ბაიერნმა" ჩემპიონთა ლიგაზე, სტუმრად "როსტოვის" წინააღმდეგ, სენსაციურად წააგო და ჯგუფის მოგების შანსიც დაკარგა. რუსეთში კიდევ ერთხელ გამოჩნდა, რომ გუნდს აკლია კრეატივი, კონცენტრაცია და გამარჯვებულის მენტალიტეტი. თუმცა, ეს ჯერ მხოლოდ სეზონის დასაწყისია და კარლო ანჩელოტი სიტუაციის გამოსასწორებლად ძალებს არ დაიშურებს. "როსტოვთან" შეხვედრაში ჟერომ ბოატენგი ძალიან სუსტად გამოიყურებოდა, მატჩის შემდეგ გაირკვა, რომ კუნთის პრობლემები აქვს. გერმანელის თამაში საეჭვოა, მაგრამ ჟერომის დაზიანება სერიოზული ნამდვილად არ არის. ლაზარეთიდან კარგი ამბებიც არის, რადგან მანუელ ნოიერი, არიენ რობენი და ხავი მარტინესი ვარჯიშებს დაუბრუნდნენ. კარში აუცილებლად მანუ დადგება, რობენიც სრულ მზადყოფნაშია, ესპანელის სიტუაცია კი ბოლომდე გარკვეული არ არის. სავარაუდოდ, ანჩელოტი რისკზე არ წავა და თუ ხავი მზად არ იქნება, მოედანზე კვლავ ჰოლგერ ბადშტუბერს გაიყვანს. არტურო ვიდალზე კვლავ არაფერი ისმის და სავარაუდოდ, 29 წლის ჩილელი საყრდენი დღევანდელ თამაშს გამოტოვებს. "როსტოვის" წინააღმდეგ ფილიპ ლამმა მოედნის ცენტრში ითამაშა, მაგრამ "ბაიერთან", ალბათ, თავის ჩვეულ პოზიციას დაუბრუნდება. ბოლო შეხვედრაში ანჩელოტიმ დაცვის ხაზი ზედმეტად გადაახალისა, რაც ლევერკუზენელების წინააღმდეგ ზედმეტი იქნება. "ბაიერნი" მინდორზე მაქსიმალურად ოპტიმალური შემადგენლობით გავა და მხოლოდ გამარჯვებისთვის იბრძოლებს, რადგან ზედიზედ სამი მარცხი საკმაოდ სერიოზული უკანსვლა იქნება.

ლევერკუზენის "ბაიერი" კი თავის ჩვეულ რითმშია და არასტაბილურად თამაშობს. გამარჯვებათა კარგი სერია "ბაიერმა" სანაკრებო პაუზის შემდეგ შეწყვიტა და შინ "ლაიფციგთან" 2:3 დამარცხდა. როჯერ შმიდტის გუნდმა ჩინებული ერთი საათი ჩაატარა, მაგრამ ბოლოსკენ გადაიღალა და საბოლოოდ ქულაც ვერ მოიპოვა. სამაგიეროდ, "ფარმაცევტებმა" ქულა მოსკოვში აიღეს და ეს ჩემპიონთა ლიგის ფლეი-ოფში გასასვლელად საკმარისი აღმოჩნდა. ლევერკუზენელები კარგ განწყობაზე არიან და დღეს საკმაოდ სახიფათონი იქნებიან. "ბაიერს" დასაკარგი არაფერი აქვს, ამიტომ შმიდტის შეგირდები თავისუფლად, მარტივად და სწრაფად იმოქმედებენ, რაც მათთვის იდეალურ საფუძველს იძლევა. ბოლო პერიოდში საოცარი ფორმა აკრიფა ახალგაზრდა შემტევმა ნახევარმცველმა, იულიან ბრანდტმა, რომლითაც "რეკორდმაისტერიც" ინტერესდება. აგრეთვე კვლავ პროგრესირებს უნიჭიერესი განაპირა მცველი ბენჟამინ ჰენრიხსი, სლოვენიელი კევინ კამპლი კი, ფაქტობრივად, გუნდის ლიდერი გახდა. ის მოედნის ცენტრში მოქმედებს და კევინზე ბევრი რამ არის დამოკიდებული. კამპლი ამ ფორმაციის "ბაიერის" ყველაზე მნიშვნელოვანი ფიგურაა და "ბაიერნს" მასთან ყურადღებით თამაში მართებს. შმიდტის გუნდს მხოლოდ კარიმ ბელარაბი ვერ დაეხმარება, მაგრამ მას ახალგაზრდა ბრანდტი უპრობლემოდ ცვლის.

მიუხედავად იმისა, რომ ლევერკუზენის "ბაიერი" საკმაოდ კარგი გუნდია და სიურპრიზების შეთავაზება ყოველთვის შეუძლია, "ბაიერნი" ვალდებულია წარუმატებელი სერია შეწყვიტოს და ქომაგები საკუთარ მოედანზე მაინც გაახაროს.

სავარაუდო შემადგენლობები
ბაიერნი: ნოიერი - ლამი, ხავი მარტინესი, ჰუმელსი, ალაბა - კიმიხი, ხაბი ალონსო, ტიაგო - მიულერი, ლევანდოვსკი, რიბერი.

ბაიერი: ლენო - ჰენრიხსი, ტა, თოფრაქი, ვენდელი - კამპლი, არანგისი - ჩალჰანოღლუ, ბრანდტი - ჩიჩარიტო, ფოლანდი.

საინტერესო ფაქტები
  • მიუნხენის "ბაიერნისა" და ლევერკუზენის "ბაიერის" დაპირისპირება შაბათ საღამოს, 21:30 საათზე, მე-11-ჯერ იმართება, რაც ბუნდესლიგის რეკორდია. წინა ათი თამაშიდან მიუნხენურმა კლუბმა მხოლოდ ერთი წააგო და ეს 2014/15 წლების სეზონის ბოლოს, 31-ე ტურში, "ბაიარენაზე" მოხდა - 0:2.

  • ამ დროს გამართული საშინაო მატჩებიდან კი "ბაიერნმა" ყველა მოიგო - ოთხიდან ოთხი.

  • ლევერკუზენულ კლუბს მიუნხენში ძალიან უჭირს. 37 ვიზიტიდან "ფარმაცევტებმა" გამარჯვება მხოლოდ სამჯერ მოიპოვეს და 28-ჯერ დამარცხდნენ.

  • 11 ტურის შემდეგ "ბაიერნი" ეროვნული ჩემპიონატის ლიდერი, 2011/12 წლების სეზონის შემდეგ, პირველად არ არის.

  • ლევერკუზენის "ბაიერი" ბუნდესლიგის ერთადერთი კლუბია, რომლის წინააღმდეგაც რობერტ ლევანდოვსკის "ბაიერნის" მაისურით გოლი არასოდეს გაუტანია.

  • მატჩის მთავარი არბიტრი 39 წლის მარკო ფრიტცია, რომელსაც "ბაიერნის" 13 თამაშზე აქვს ნამუშევარი, საიდანაც "რეკორდმაისტერმა" 12 მოიგო და ერთი ფრედ დაასრულა. 

მწვრთნელების წინასამატჩო კომენტარები
კარლო ანჩელოტი: ​"რეაქცია უნდა გამოვავლინოთ და ლევერკუზენის "ბაირთან" მატჩი ამისათვის იდეალური შესაძლებლობაა. მე თავდაჯერებული ვარ და ჩემი გუნდის სავსებით მჯერა. აგრესიულად და ინტენსიურად უნდა ვიმოქმედოთ.

ჟერომმა უნდა დაისვენოს, რადგან ვარჯიშების შემდეგ თავს კარგად არ გრძნობდა. რისკებზე არ მივდივართ, ამიტომაც შაბათს ის არ ითამაშებს."

როჯერ შმიდტი: ​"ბაიერნის" წინააღმდეგ ყოველთვის განსაკუთრებული მონდომებითა და მოტივაციით ვთამაშობთ. ბიჭებმა იციან, რომ ეს გერმანიის უძლიერესი კლუბია და მათთან დაპირისპირება იდეალური გამოწვევვაა.

ბოლო ორმა მარცხმა შეცდომაში არ უნდა შეგვიყვანოს, ეს არაფერს ნიშნავს. ამ გუნდს საკმაოდ დიდი გამოცდილება აქვს და შედეგებს აუცილებლად გამოასწორებს."​​​​​​скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ ბუნდესლიგა
მსგავსი სიახლეები
კომენტარები
mamuka darchia
mamuka darchia | 26 ნოემბერი 2016 13:04
დღეს უეჭველი უნდა მოვიგოთ. ეს ხაბი ალონსო რით ვერ მოვიშერე ძირითადიდან რა.
OliaUsele
OliaUsele | 26 ნოემბერი 2016 22:38
Не рядовая и популярная мотивация, было бы небезитересно поговорить об увиденном. :]
Да написанное достойно внимания и даже больше.

Еще говорим про ??????: ??????? - ?????? » ????????? "????????" ???-????? здесь [url=http://volchki.ru/user/Kunisbal/]центр москва ремонт холодильников[/url].

----------
механический ремонт холодильников Бауманский
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა