გერმანული ფეხბურთის ლეგენდამ მიროსლავ კლოზემ ინტერვიუში რობერტ ლევანდოვსკის შესახებ ისაუბრა: "რობერტ ლევანდოვსკის თამაშის სტილი რაღაცით გავს ჩემსას, მაგრამ ის ჩემზე ათჯერ უკეთესია. ლევანდოვსკი სრულყოფილი თავდამსხმელია, რომელიც ორივე ფეხს ბრწყინვალედ იყენებს და მეორე სართულზე ძალიან ძლიერია".
შეგახსენებთ, რომ კლოზეს გერმანიის ნაკრების მაისურით 137 მატჩში გატანილი აქვს 71 გოლი და მსოფლიო ჩემპიონატის ყველა დროის საუკეთესო გოლეადორის სტატუსსაც ატარებს.
მიროსლავ კლოზე პოლონეთში არის დაბადებული, როგორც რობერტ ლევანდოვსკი. რობერტს ბუნდესლიგის 297 შეხვედრაში 213 გოლი აქვს განატანი, ხოლო კლოზეს ანგარიშზე "ვერდერისა" და "ბაიერნის" მაისურით გატანილი 121 გოლი ფიქსირდება.