...

ფრენკ რიბერის ინტერვიუ

მიუნხენური გრანდის ლეგენდარულმა ვინგერმა, ფრენკ რიბერიმ, ადგილობრივ გამოცემა "TZ Online-ს" საკმაოდ საინტერესო ინტერვიუ მისცა და ბევრ საინტერესო თემაზე ისაუბრა, რომელიც ახლა აქტუალურია.

33 წლის ფრანგმა ახლახანს "რეკორდმაისტერთან" კონტრაქტი გაახანგრძლივა და "ბაიერნის" ღირსებას 2018 წლის ზაფხულამდე დაიცავს.

ახალ კონტრაქტზე: "უბრალოდ შეხედეთ ჩემს სხეულს, არანორმალურად ბედნიერი ვარ. "ბაიერნთან" ერთად გასატარებელ წელიწად-ნახევარს სულმოუთმენლად ველი და სრულ მზადყოფნაში ვარ. აქ უკვე დაახლოებით ათი წელია ვიმყოფები, ამიტომ ეს კლუბი და მისი გულშემატკივრები ჩემთვის განსაკუთრებულნი არიან. აქ ყველასთან განსაკუთრებული ურთიერთობა მაქვს, რადგან მიუნხენის "ბაიერნი" ნამდვილი ოჯახია. მიუნხენური მენტალიტეტი და ტრადიციები ძალიან კარგად ვიცი, რაც დიდებულია."

კარიერის "ბაიერნში" დასრულებაზე: "როდესაც მიუნხენში 2007 წელს პირველად მოვედი, არ ვიცოდი, რომ აქ ამდენი ხანი დავრჩებოდი. ჩვენ ერთად ბევრი ვიბრძოლეთ, ბევრი ვიცინეთ, ბევრი ვიტირეთ და ბევრი ვიმხიარულეთ. იმედი მაქვს, რომ "ბაიერნთან" ერთად კიდევ ბევრ წარმატებას ვიზეიმებ და ტიტულებს მოვიგებ. ჩემი მთავარი მიზანი კი ჯანმრთელად ყოფნაა. კარიერას კი, რა თქმა უნდა, აქ დავასრულებ."

რუმენიგესა და ჰიონესზე: "ეს ორი ადამიანი ჩემთვის ძალიან მნიშვნელოვანია. მათ ჩემთვის მხოლოდ საუკეთესო სურვილები აქვთ და მოხარულები არიან, რომ მძიმე ტრავმის შემდეგ კვლავ "ბაიერნის" სამსახურში ვარ. რომელი უფრო მეტად მიყვარს? ამას ვერ ვიტყვი, არ შემიძლია. კარლიც და ულიც ჩემს გულში არიან და "ბაიერნისთვის" უაღრესად მნიშვნელოვანი ფიგურები არიან."

რუმენიგეს ბოატენგისადმი გამოთქმულ კრიტიკაზე: "მოთამაშისათვის პრეზიდენტის კრიტიკის მოსმენა ყოველთვის რთულია. თუმცა, ზოგჯერ, ეს შეიძლება მოხდეს. ჟერომმა კარლის ნათქვამი უკვე დაივიწყა, რადგან ის ნამდვილი პროფესიონალია. რა თქმა უნდა, ეს მისთვის მძიმე იყო, რადგან საკუთარი ღირსება და პიროვნული ხასიათი გააჩნია. გუშინ ვარჯიშებს დაუბრუნდა და საკმაოდ კარგად გამოიყურებოდა. მისი დაბრუნება და 100%-თ მზადყოფნა მნიშვნელოვანია, რადგან ის გუნდს სჭირდება. ბოატენგი უაღრესად მნიშვნელოვანი ფიგურაა. მისი კარგად მესმის, რადგან სიტუაციაა მართლაც მძიმეა. თუმცა, როსტოვში მართლაც ცუდად ვითამაშეთ, მცირე კრიტიკა კი ზოგჯერ სასარგებლოა."

ფილიპ ლამის პოტენციურ თანამდებობაზე: "მას ჩვენთან ერთად თამაში ჯერ კიდევ შეუძლია, ფიზიკურად იდეალურ ფორმაშია. თუმცა, ფილიპს დიდებული ავტორიტეტი აქვს და კლუბში მუშაობაც შეუძლია. მას საკმაოდ დიდი გამოცდილება აქვს, "ბაიერნს" კარგად იცნობს და თანაც, ნამდვილი ინტელიგენტია. ის ამ პოსტისათვის შესაფერისი ადამიანია."

თავის სამომავლო გეგმებზე: "თუ ლამს სურვილი ექნება, შემიძლია, რომ მასთან პრაქტიკები გავიარო და რაღაც-რაღაცეებში დავეხმარო, საჭირო რჩევები მივცე." (იცინის)

არიენ რობენზე: "არიენი "ბაიერნისთვის" ძალიან მნიშვნელოვანი მოთამაშეა. ჩვენ, ერთად, ბევრი რამ მოვიგეთ. რობენის მსგავსი ფეხბურთელები, დიდი სახელითა და გამოცდილებით, გვჭირდება. ეს "ბაიერნის" სტილია."скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
BAYERNPUPSIKA
BAYERNPUPSIKA | 30 ნოემბერი 2016 22:41
ვამაყოფ რ ო გუნში ასეთი ფეხბურთელი გვყავს kissing_heart
Olga Y.neump
Olga Y.neump | 24 აპრილი 2017 13:11
He got rid of his old useless car.
http://www.task-force-international.com/en/forum/suggestion-box/112855
Okay, here's what I think. Have you ever experienced floods?

http://www.globalcare-logistics.com/index.php/en/forum/donec-eu-elit/28669
Badly written, but. Are you scared of sharks?
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა