მიუნხენური კლუბის გენერალურმა დირექტორმა, კარლ-ჰაინც რუმენიგემ, "ოლიმპიაკოსთან" მატჩის შემდეგ ფილიპე კოუტინიოზეც ისაუბრა.
"ფილიპე საკმაოდ მაღალი კლასის მოთამაშეა. მას ვარსკვლავის ხასიათი არ აქვს, მეგობრული ადამიანია, პოპულარული მთელს კლუბში და გვიხარია, რომ ის ჩვენთან ერთადაა.
როდის მივიღებთ გადაწყვეტილებას ? მაშინ, როდესაც შესაფერისი მომენტი დადგება", - განაცხადა რუმენიგემ.
27 წლის ბრაზილიელი ნახევარმცველი "ბაიერნმა" ამ ზაფხულს კატალონიის "ბარსელონადან" ერთწლიანი იჯარის წესითა და გამოსყიდვის უფლებით დაიმატა.
კოუტინიომ ამ სეზონში სულ 10 მატჩი ჩაატარა, 2 გოლი გაიტანა და 3 ასისტი გააკეთა.