...

ხუან ბერნატის ინტერვიუ

მიუნხენის "ბაიერნის" ოფიციალურმა ვებ-გვერდმა "რეკორდმაისტერის" ახალგაზრდა ესპანელ ლეგიონერთან, ხუან ბერნატთან, რამდენიმე დღის წინ საინტერესო ინტერვიუ ჩაწერა.

23 წლის მარცხენა მცველმა გერმანულის შესწავლა რამდენიმე კვირის წინ დაასრულა და "ბაიერნის" პრესსამსახურს პირველი სრული გერმანული ინტერვიუ მისცა, რომელიც საკმაოდ სახალისო გამოვიდა.

ხუან, გასულ კვირას კლუბის მუზეუმში საკუთარი მაისურის ტორტის ნაჭერი დააგემოვნეთ. როგორ მოგეწონათ?
(იცინის) "ძალიან, ძალიან გემრიელი იყო. ეს დიდებული საჩუქარი იყო და სიურპრიზი ძალიან მომეწონა. ეს ტორტი მომდევნო დღეს ოჯახში წავიღე და ყოველ დღე ერთ ნაჭერს მივირთმევდით."

ეს თქვენი პირველი სრული ინტერვიუა გერმანულ ენაზე და მინდა გითხრათ, რომ დიდებულად საუბრობთ.
"მადლობა, მაგრამ გერმანულად საუბრის დროს ყოველთვის ვნერვიულობ, უფრო მშვიდად უნდა ვიყო. ახლა უფრო გახსნილი გავხდი, რადგან ვცდილობ, რომ კომუნიკაცია ყველასთან გერმანულ ენაზე დავამყარო. თუმცა, ზოგჯერ ვიჭედები და ინგლისურს ვიშველიებ." (იცინის)

ხალხს შთაბეჭდილება რჩება, რომ ახლა მინდორზეც კარგად გრძნობთ თავს. თქვენ რას იტყოდით?
"ეს სრული სიმართლეა. თუმცა, ამ სეზონში ხშირად თამაში არ მიწევს, ამიტომ იდეალურ ფორმაში ვერ ვიმყოფები და სათამაშო რითმიც მაკლია. მიუხედავად ამისა, ყოველ ჯერზე, როდესაც მინდორზე გავდივარ, თავს იდეალურად ვგრძნობ და პარტნიორების დახმარებას ვცდილობ. ჯერჯერობით საკუთარი ასპარეზობით კმაყოფილი ვარ."

შთამბეჭდავი სადებიუტო სეზონის შემდეგ, გასულ წელს იმავე დონეზე ვერ ითამაშეთ. რა იყო რეგრესის მიზეზი?
"გასულ სეზონში ფიზიკურად ვერ ვიყავი ისეთ კარგ კონდინციებში, როგორც პირველ წელს. ტრავმის გამო სამი თვე გამიცდა, ამიტომ რითმიდან ამოვვარდი. შემდეგ კი კუნთის პრობლემებს ვებრძოდი, ამიტომ ძალიან გამიჭირდა. ახლა კი თავს ისე ვგრძნობ, როგორც მიუნხენში პირველად მოსვლისას და გოლებიც კი გამაქვს." (იცინის)

ზამთრის პაუზამდე ბერნატისგან კიდევ რამდენ გოლს უნდა ველოდოთ?
"პირველ ორ სეზონში მხოლოდ ერთი გოლი გავიტანე, მიმდინარე კამპანიაში კი თავი უკვე ორჯერ გამოივიჩინე და კიდევ უფრო მეტი მსურს. თუმცა, განაპირა მცველის მოვალეობა გოლების გატანა არ არის და შანსებიც ბევრი არ მეძლევა, მაგრამ შეტევაში ბედს მაინც ვცდი."

დებიუტანტი "ლაიფციგი" სატურნირო ცხრილის ლიდერია. რაოდენ დიდი სიურპრიზია ეს თქვენთვის?
"ეს მართლაც სიურპრიზია, მაგრამ "ლაიფციგის" რამდენიმე თამაში ვნახე და შემიძლია გითხრათ, რომ ეს ძალიან კარგი გუნდი, რამდენიმე საოცრად სწრაფი შემტევი მოთამაშით. მათზე ბევრი არ უნდა ვიფიქროთ, მხოლოდ საკუთარ თამაშზე უნდა ვიყოთ კონცენტრირებულები."

მომდევნო სამშაბათს "ალიანს არენას" მადრიდის "ატლეტიკო" ესტუმრება. სატურნირო თვალსაზრისით თამაშს არანაირი მნიშვნელობა არ აქვს, მაგრამ თქვენთვის რას ნიშნავს ეს მატჩი?
"გარდა იმისა, რომ "ატლეტიკო" უმაღლესი კლასის გუნდია, ეს თამაში ჩემთვის განსაკუთრებულია, რადგან მეტოქე ესპანური კლუბია. გასულ სეზონში ჩემპიონთა ლიგის ნახევარფინალიდან გამოგვაგდეს, ახლა კი ჩვენი ჯგუფი მოიგეს. სატურნირო მნიშვნელობა აღარ არის, მაგრამ ამ თამაშის მოგება მაინც გვინდა. ეს მორალურად ძალიან, ძალიან ფასეული წარმატება იქნება."скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ხუან ბერნატი
მსგავსი სიახლეები
კომენტარები
heineken
heineken | 4 დეკემბერი 2016 22:27
ეჰ რა სი***** ათ წავაგეთ როსტოვთან თუარა ზეგ ხო იქნებოდა ხოცვა ჯლეტვა ალიანსზე 1 ადგილისთვის ფტუ
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა