...

პრევიუ: ბაიერნი - ატლეტიკო

დღეს 6 დეკემბერია და მიუნხენის "ბაიერნი" ჩემპიონთა ლიგის ჯგუფურ ეტაპს ასრულებს. კარლო ანჩელოტის გუნდი სატურნირო მდგომარეობას ვეღარ გამოასწორებს, სამაგიეროდ, "რეკორდმაისტერს" "ატლეტიკოსთან" რევანშის შანსი და ქომაგების გულის მოგების შესაძლებლობა აქვს. 

ბაიერნი - ატლეტიკო
ჩემპიონატი: ჩემპიონთა ლიგა, ჯგუფური ეტაპი, VI ტური
თარიღი: 23:45 საათი, 6 დეკემბერი
სტადიონი: "მიუნხენ არენა", მიუნხენი
მთავარი მსაჯი: კლემენ ტარპინი (საფრანგეთი)
პირდაპირი ტრანსლიაცია: Silk სპორტ HD1
იხილეთ დღევანდელი თამაშის პროგნოზი

გუნდების წინასამატჩო მდგომარეობა
ზედიზედ ორი დასანანი მარცხის შემდეგ, მიუნხენურმა კლუბმა მშვენიერი ფორმა აკრიფა და ბუნდესლიგის წინა ტურში, სტუმრად "მაინცის" წინააღმდეგ, კარლო ანჩელოტიმ ახალი ტაქტიკა გამოსცადა. იტალიელმა სპეციალისტმა 4-2-3-1 განლაგებით ითამაშა და ამ გადაადგილებამ იდეალური შედეგი გამოიღო. "მაინცთან" შეხვედრის პირველ ტაიმში "ბაიერნი" ძალიან სწრაფად, ლაღად და თავისუფლად მოქმედებდა. არიენ რობენი, ტომას მიულერი და ფრენკ რიბერი ჩინებულ კომბინაციებს ათამაშებდნენ. "რეკორდმაისტერს" შეტევაში არანაირი პრობლემა არ ჰქონია და სავარაუდოდ, მიუნხენელები კვლავ ამ სქემას გამოიყენებენ. მიუნხენურ კლუბს კინგსლი კომანი და იულიან გრინი ვერ დაეხმარებიან. გარდა ამისა, ჟერომ ბოატენგს კუნთის პრობლემები აქვს და განაცხადში ვერ მოხვდა. სამაგიეროდ, ჰოლგერ ბადშტუბერი და ხაბი ალონსო, რომელთაც "მაინცთან" მატჩი გამოტოვეს, უკვე მზად არიან. არტურო ვიდალიც გამოჯანმრთელდა და შესაძლოა, დღეს ძირითად შემადგენლობაში იყოს. მიუხედავად იმისა, რომ ამ თამაშის მოგებას "ბაიერნისთვის" პრინციპული მნიშვნელობა აქვს, ანჩელოტი ტრადიციას არ უღალატებს და როტაციას კვლავ მიმართავს. მოსალოდნელია პირველივე წუთებიდან რაფინიას, ხუან ბერნატის, რენატო სანჩეშისა და დუგლას კოშტას ხილვა. ძალიან საინტერესო იქნება თუ როგორ იმუშავებს ახალი ტაქტიკური განლაგება ისეთი ძლიერი გუნდის წინააღმდეგ, როგორიც მადრიდის "ატლეტიკოა". თუმცა, სამწუხაროა, რომ ამ შეხვედრას სატურნირო დატვირთვა აღარ აქვს, რადგან დიეგო სიმეონე შემადგენლობას აუცილებლად გადაახალისებს.

ესპანური კლუბის ბანაკში კი არც ისე კარგი განწყობაა, რადგამ "როხიბლანკომ" ეროვნულ ჩემპიონატში გამართული ბოლო ოთხი თამაშიდან მხოლოდ ერთი მოიგო, ეგეც სტუმრად აუტსაიდერი "ოსასუნას" წინააღმდეგ. გასულ უქმეებზე მადრიდელებმა შინ "ესპანიოლი" მიიღეს და კატალონიური კლუბი ვერაფრით გატეხეს - 0:0. გამომდინარე იქიდან, რომ "ატლეტიკომ" პირველი ადგილი ჯგუფში უკვე გაინაღდა და პრიმერა დივიზიონში აუცილებლად ქულები სჭირდება, დიეგო პაბლო სიმეონე შემადგენლობას გადაახალისებს და ლიდერებს დაასვენებს. თუმცა, "როხიბლანკოს" საკმაოდ კონკურენტუნარიანი შემადგენლობა ჰყავს და შეტევაში კორეა-ტორესის დუეტი იმოქმედებს. ფერნანდო გამოცდილი და მაღალი დონის ფორვარდია, ანხელ კორეა კი საკმაოდ ტექნიკური და ნიჭიერი ახალგაზრდა. სიმეონეს გუნდი კი, ნებისმიერ შემთხვევაში, ძალიან სახიფათო და უხერხული მეტოქეა, რომელიც "ბაიერნის" გამწარებას მიუნხენშიც ეცდება. გუნდს აუგუსტო ფერნანდესისა და ალესიო ჩერჩის გარდა, ფილიპე ლუისი და ტიაგუ მენდეში ვერ დაეხმარებიან. გამოცდილ ბრაზილიელ მარცხენა მცველს, სავარაუდოდ, ახალგაზრდა ფრანგი, ლუკას ერნანდესი, შეცვლის. მადრიდის "ატლეტიკოს" ჩინებული შემადგენლობა ჰყავს და ესპანელები გერმანიაში მხოლოდ დადებითი შედეგისთვის ჩამოვლენ.

მიუნხენური გრანდი საკუთარი ქომაგების თვალწინ მხოლოდ გამარჯვებისათვის იბრძოლებს, რადგან ამ მატჩს საკმაოდ სერიოზული პრინციპული დატვირთვა აქვს. "ატლეტიკო", თუნდაც შესუსტებული შემადგენლობით, "მიუნხენ არენაზე" უნდა დამარცხდეს.

სავარაუდო შემადგენლობები
ბაიერნი: ნოიერი - რაფინია, მარტინესი, ჰუმელსი, ბერნატი - ლამი, რენატო სანჩეში - დუგლას კოშტა, მიულერი, რობენი; ლევანდოვსკი.

ატლეტიკო: ობლაკი - ვრსალკო, ხიმენესი, სავიჩი, ლუკას ერნანდესი - გაიტანი, კოკე, საულ ნიგესი, კარასკო; კორეა, ფ.ტორესი.

საინტერესო ფაქტები
  • ჩემპიონთა ლიგის ფლეი-ოფის საგზური უკვე ორივე გუნდს განაღდებული აქვს. "ატლეტიკო" კი ეცდება, რომ ჩემპიონთა ლიგის ჯგუფური ეტაპი 100%-იანი შედეგით ისტორიაში პირველად დაასრულოს.

  • დიეგო პაბლო სიმეონეს გუნდმა პეპ გვარდიოლას "ბაიერნი" გასულ სეზონში ჩემპიონთა ლიგის ნახევარფინალში დაამარცხა. "ვისენტე კალდერონზე" მადრიდელებმა 1:0 იმარჯვეს, სტუმრად 1:2 წააგეს და ფინალში სტუმრად გატანილი ბურთის წყალობით მოხვდნენ.

  • მანამდე კი ამ გუნდების გზა ჩემპიონთა თასის ფინალში, 1974 წელს, გადაიკვეთა. დამატებით დროში "როხიბლანკო" იგებდა, როდესაც კლაუს აუგენტალერმა ბოლო წუთზე გაიტანა და რამდენიმე დღეში გადათამაშება გაიმართა, რომელიც "ბაიერნმა" გერდ მიულერისა და ული ჰიონესის დუბლებით 4:0 იმარჯვა.

  • "ბაიერნი" ეცდება, რომ ჩემპიონთა ლიგაზე ზედიზედ მე-15 საშინაო გამარჯვება მოიპოვოს და ეს უნიკალური სერია გააგრძელოს.

  • "როსტოვთან" მარცხის შემდეგ "ბაიერნი" ჯგუფში მხოლოდ მეორე ადგილს დასჯერდა. ბოლოს ეს 2009/10 წლების სეზონში მოხდა და საბოლოოდ, "რეკორდმაისტერი" ფინალში აღმოჩნდა.

  • მიუნხენურ გრანდს ესპანური კლუბების წინააღმდეგ შინ კარგი სტატისტიკა აქვს: 17მ, 5ფ, 2წ.

  • "ატლეტიკოს" კი გერმანიაში ასეთი მაჩვენებელი აქვს: 5მ, 3ფ, 9წ.

  • დიეგო სიმეონესა და კარლო ანჩელოტის ურთიერთდაპირისპირებების მდიდარი ისტორია აქვთ და ჯერჯერობით არგენტინელი სპეციალისტი ლიდერობს: 5მ, 4ფ, 4წ.

  • ტომას მიულერი მიუნხენის "ბაიერნის" ყველა დროის ბომბარდირთა სიაში მესამე ადგილს ლეგენდარულ როლანდ ფოლფარტთან იყოფს. ორივეს ანგარიშზე 155-155 გოლია. დღეს, ტომასს, მისი შედეგის გაუმჯობესება შეუძლია.

  • "ბაიერნის" შემადგენლობაში დისკვალიფიკაციის ზღვარზე ჟერომ ბოატენგი და ფილიპ ლამი არიან. თუმცა, დღეს, სიფთხილე მხოლოდ კაპიტანმა უნდა გამოიჩინოს.

მწვრთნელების წინასამატჩო კომენტარები
კარლო ანჩელოტი: ​"​​​ვერ მივაღწიეთ იმას, რისი იმედიც გვქონდა. თუმცა, "ატლეტიკოს" წინააღმდეგ მაინც კარგი თამაშის ჩვენება გვსურს. მოტივაცია საკმაოდ მაღალია, რადგან ძალიან რთული მეტოქე გვყავს. ვიცით, რომ ამ სეზონში ყოველთვის საუკეთესოდ არ ვთამაშობდით. ფლეი-ოფიდან კი უფრო მაღალ დონეზე თამაში გვმართებს, რადგან სტანდარტები საგრძნობლად მაღალი ხდება."

დიეგო სიმეონე: ​"ყოველთვის გვინდა, რომ საუკეთესო შედეგი დავდოთ. ბედნიერი ვარ, რომ "ბაიერნის" ნაირი გუნდი უკან ჩამოვიტოვეთ და ჯგუფი მოვიგეთ. ეინდჰოვენსა და როსტოვში წასვლა და მოგება მარტივი არ არის. აგრეთვე, სამივე საშინაო მატჩი მოვიგეთ. "ბაიერნი" ძალიან კონკურენტუნარიანი გუნდია, საკმაოდ ძლიერი შემადგენლობით. მეტოქე დეტალურად გავაანალიზეთ და რა თქმა უნდა, ვეცდებით, რომ მათ გული ვატკინოთ."

პრომო
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ ჩემპიონთა ლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა