კრიტიკა და აგრესია კოვაჩის ბოლო სიტყვები ბაიერნის მოთამაშეების მიმართ

გუშინ საღამოს მიუნხენის "ბაიერნის" მთავარი მწვრთნელის პოსტი ნიკო კოვაჩმა საკუთარი ინიციატივით დატოვა და გერმანულ გრანდთან კონტრაქტი გაწყვიტა.

"ბაიერნი" მზად იყო მიეცა შანსი 48 წლის ხორვატი სპეციალისტისთვის, მაგრამ როგორც ჩანს, თავად ნიკო თავიდანვე ნეგატიურად უყურებდა კარიერის "ბაიერნში" გაგრძელების საკითხს.

ცნობილი გერმანული გამოცემა "Bild" ასაჯაროვებს კოვაჩის გუშინდელი, ბოლო, ვარჯიშის დეტალებს და საუბარს, რომელიც მასსა და მოთამაშეებს შორის შედგა.

ნიკო ფრანკფურტის "აინტრახტთან" 1:5 განადგურების შემდეგ გაბრაზებული იყო და მოთამაშეებს სათითაოდ აკრიტიკებდა:

კოვაჩი გნაბრის: "ბურთს ზედმეტად იოლად კარგავ!".

კოვაჩი ტიაგოს: "არ არის საჭირო იყო ზედმეტად ჭკვიანი".

კოვაჩი კომანს: "კინგსლი, შენ უბრალოდ მშვიდად დგახარ, სანამ მიულერი იბრძვის".

კოვაჩი ბოატენგს: "ამ სიტუაციაში უფრო ჭკვიანურად უნდა გემოქმედა".

მოთამაშეები კრიტიკას გაოგნებულები უსმენდნენ, ხოლო ნიკო აგრძელებდა: "თქვენ არ მისმენთ! ჩვენ განვიხილავთ და ვვარჯიშობთ ახალ რაღაცებს, თქვენ კი ამ ყველაფერს არ იყენებთ".

აი ასე დატოვა ნიკო კოვაჩმა "ზებენერ შტრასი"...