ჰიონესი მაინც არ ვნანობთ რომ ის მოვიყვანეთ

"ბაიერნმა" "ტოტენჰემთან" 7-2 გამარჯვების შემდეგ, ვეღარ ანახა დამაჯერებელი თამაში, რასაც "აინტრახტთან" განადგურება მოყვა.

2 ნოემბერს, "რეკორდმაისტერი" 5-1 დამარცხდა, რის გამოც შემდეგ დღეს ნიკო კოვაჩი განთავისუფლდა.

"ჩვენ ახლა მშვიდად ვითამაშებთ, "ოლიმპიაკოსთან" და "ბორუსია დორტმუნდთან". მხოლოდ შემდეგ გადავწყვეტთ, ვინ მოვიყვანოთ ახალ მთავარ მწვრთნელად" ამბობს ული ჰიონესი "Sport 1"თან ინტერვიუში.

"საბოლოოდ მაინც არ ვნანობთ, რომ ჩვენ წინა წელს ნიკო მოვიყვანეთ. მე მას კიდევ ერთხელ ველაპარაკე განთავისუფლების შემდეგ და შევატყვე, რომ მას დიდი სტრესი მოეხსნა. მან მადლობა მოიხადა ამ გუნდში მუშაობის უფლებისთვის და გუნდსაც უსურვა წარმატება."

თუ ჩვენ გერმანულ გამოცემებს "Sport 1" და "Onefootball"ს დავუჯერებთ, ხორვატი სპეციალისტი ცოტას შეისვენებს, რის მერეც იგი რომელიმე ბუნდესლიგის კლუბს ჩაუდგება სათავეში.