მიუნხენის "ბაიერნის" მთავარმა მწვრთნელმა, ნიკო კოვაჩმა, გუნდის ესპანელი საყრდენი, ხავი მარტინესი, შეაქო.
"ლივერპულის" წინააღმდეგ ხავიმ უდიდესი სამუშაო შეასრულა და დაამტკიცა, რომ ასეთ თამაშებში მისი იმედი უნდა გვქონდეს.
თუმცა ახლა საკუთარი შესაძლებლობები უნდა გავაუმჯობესოთ. "ჰერტას" წინააღმდეგ ყველაფერი სხვანაირად იქნება, ჩვენ გაცილებით ხშირად შევუტევთ", - აღნიშნა ნიკომ.
30 წლის მარტინესი "ენფილდზე" მართლაც გამორჩეული იყო და ძალიან ბევრი იბრძოლა.
"რეკორდმაისტერი" ბერლინის "ჰერტას" საკუთარ მოედანზე შაბათს შეხვდება.