...

ვინ შეიძლება დატოვოს გუნდი ზამთარში?

2016 წელი იწურება და ახალი წლის პირველი იანვრიდან ზამთრის სატრანსფერო ფანჯარა დაიწყება. ამას კი უამრავი ჭორი და სხვადასხვა სახის სატრანსფერო სიახლე მოჰყვება, მაგრამ საინტერესოა რა მოხდება სინამდვილეში.

როგორც წესი, ევროპის უძლიერესი გუნდები, ზამთარში ნაკლებად აქტიურები არიან და ეს მიუნხენის "ბაიერნსაც" ეხება. თუმცა, წინ საინტერესო სატრანსფერო ფანჯარაა და შესაძლოა, "ალიანს არენა" ზოგიერთმა ფეხბურთელმა დატოვოს.

დღეს სწორედ ასეთ შემთხვევებს განვიხილავთ და შემოგთავაზებთ იმ მოთამაშეების ვინაობას, რომელთაც შესაძლოა მიუნხენური გრანდი მეორე წრის დაწყებამდე დატოვონ.

იულიან გრინი
ამერიკის ეროვნული ნაკრების ახალგაზრდა, ნიჭიერი თავდამსხმელი მიუნხენურ კლუბში ვერაფრით გაიხსნა და როგორც ჩანს, "ბაიერნის" დონეს ვერ ესადაგება. 21 წლის იულიან გრინი ჩემპიონთა ლიგასა და გერმანიის ჩემპიონატში გუნდს ვერ ეხმარება, რაც იმას ნიშნავს, რომ კარლო ანჩელოტი მასზე იმედებს არ ამყარებს. გრინმა თავისი შანსები გერმანიის თასზე მიიღო და "აუგსბურგს" გოლიც კი გაუტანა, მაგრამ ეს საკმარისი არ არის. იულიანი "რეკორდმაისტერის" ღირსებას უკვე რამდენიმე წელიწადია იცავს და თავი უფრო უკეთ უნდა წარმოეჩინა. ის მართლაც ნიჭიერი, ტექნიკური და საინტერესო მოთამაშეა, მაგრამ მიუნხენში ბევრს ვერაფერს მიაღწევს. მისთვისაც და კლუბისთვისაც, უმჯობესი იქნება თუ გრინი ზამთარში "ბაიერნს" დატოვებს და თავს ახალ გუნდში გამოცდის.

გამოსავალი: იულიან გრინის კონტრაქტი სეზონის ბოლოს იწურება და იმისათვის, რომ "ბაიერნმა" ფინანსური სარგებელი ნახოს, ამერიკელმა კლუბი ზამთარში უნდა დატოვოს.

წასვლის ალბათობა: 75%

რენატო სანჩეში
მიუნხენურმა გრანდმა 19 წლის უნიჭიერესი პორტუგალიელი ნახევარმცველი ამ ზაფხულს 35 მილიონ ევროდ შეიძინა და რენატო ნელ-ნელა ვითარდება. თუმცა, საქმე მის თამშში არ არის. ევროპის ჩემპიონი ძალიან, ძალიან პერსპექტიული მოთამაშეა და მის შესაძლებლობებში ეჭვი არავის ეპარება, უბრალოდ სანჩეშს უფრო მეტი სათამაშო პრაქტიკა სჭირდება, რათა გერმანულ ფეხბურთს უკეთ მოერგოს და ტონუსი შეინარჩუნოს. კარლო ანჩელოტიმ მას რამდენიმე შანსი მისცა და ბოლო თამაშებში რენატო საკმაოდ კარგად გამოიყურებოდა, მაგრამ გუნდში საკმაოდ მაღალი კონკურენცია. მოედნის ცენტრში "ბაიერნს" ხაბი ალონსო, ტიაგო ალკანტარა, არტურო ვიდალი, ჯოშუა კიმიხი და ფილიპ ლამი ჰყავს. ახალგაზრდა პორტუგალიელს კი რეგულარული პრაქტიკა სჭირდება. ეს კარგი იქნება მისი ფორმისთვის და აგრეთვე, სანჩეში გამოცდილებასაც მიიღებს.

გამოსავალი: რა თქმა უნდა, გამოსავალი რენატო სანჩეშის სეზონის ბოლომდე იჯარით გაშვებაა. მას ბუნდესლიგის ნებისმიერი გუნდი, თუნდაც დორტმუნდის "ბორუსია", დიდი სიამოვნებით აიყვანს. თუმცა, საკითხავია, "ბაიერნი" რამდენად მიიღებას ასეთ გადაწყვეტილებას.

განათხოვრების ალბათობა: 20%

ჰოლგერ ბადშტუბერი
ორი მუხლის ჯვარედინა იოგების გაწყვეტა, ტერფის ჯვარედინა იოგების გაწყვეტა, კუნთის გაწყვეტა, ბარძაყის ტრავმა, ქუსლის ტრავმა და ბოლოს კუნთის პრობლემები - 27 წლის ჰოლგერ ბაშტუბერის საფეხბურთო კარიერა დაახლოებით ასე გამოიყურება. მას სამედიცინო შტაბთან უფრო დიდი დრო აქვს გატარებული, ვიდრე თანაგუნდელებთან მინდორზე. მიუხედავად ამდენი მძიმე დაზიანებისა და ფსიქოლოგიური წნეხისა, ის მაინც დაბრუნდა. ეს ძალიან დასაფასებელია, მაგრამ ბადშტუბერის ადგილი მიუნხენურ კლუბში უბრალოდ არ არის. ჟერომ ბოატენგის, ხავი მარტინესისა და მატს ჰუმელსის ფონზე, ჰოლგერს არანაირი შანსი არ რჩება. გარდა ამისა, მისი კონტრაქტი სეზონის ბოლოს იწურება და თუ რაიმის დამტკიცება სურს, სჯობს ზამთარში წავიდეს.

გამოსავალი: გამომდინარე იქიდან, რომ ბადშტუბერი "ბაიერნის" აღზრდილია და მას ქომაგები, კლუბი ყოველთვის მხარს უჭერდნენ, მისი განათხოვრებაც შეიძლება. თუ ჰოლგერი სხვა გუნდში პროგრესს განიცდის და თავის შესაძლებლობებს დაამტკიცებს, მაშინ "რეკორდმაისტერი" კონტრაქტს გაუხანგრძლივებს და საკუთარ რიგებში დააბრუნებს.

განათხოვრების ალბათობა: 30%

ტომ შტარკე
ტომ შტარკეს კონტრაქტიც გაისად იწურება, მაგრამ 35 წლის გერმანელი "ბაიერნის" მესამე მეკარის სტატუსს მშვიდად ხვდება და მეკარეების მწვრთნელობასაც ითავსებს. არ არის გამორიცხული, რომ მან კარიერა მალევე დაასრულოს და თავი ახალ ამპლუაში გამოსცადოს. ამ ეტაპზე შტარკე კარლო ანჩელოტის არაფერში სჭირდება. მანუელ ნოიერის შემცვლელი უფრო ახალგაზრდა სვენ ულრაიხი გახლავთ, ამიტომ ტომს მიმდინარე სეზონში მინდორზე არც ერთი წუთ არ გაუტარებია. თუ შტარკე რაიმის შეცვლას მოინდომებს, მაშინ ის კლუბს აუცილებლად ზამთარშივე დატოვებს.

გამოსავალი: ამ შემთხვევაში, ერთადერთი ვარიანტი, "ბაიერნის" დატოვებაა, მაგრამ შტარკე თავს ცუდად არ გრძნობს.

წასვლის ალბათობა: 10%

რაფინია
პეპ გვარდიოლა გამოცდილ ბრაზილიელს ხშირად იყენებდა, მაგრამ ახლა სიტუაცია შეიცვალა. რაფინია ბოლო წლებში მართლაც განვითარდა, მაგრამ ის უმაღლესი კლასის მოთამაშე არ არის. ფილიპ ლამი ცენტრში კვლავ თამაშობს, მაგრამ ამჯერად მას მარჯვენა ფრთაზე ჯოშუა კიმიხი ცვლის. ასე, რომ 31 წლის რაფინია, რომლის კონტრაქტიც 2017 წლის ზაფხულში იწურება, "ბაიერნს" აღარ სჭირდება. მას გამოცდილებაც აქვს დაგროვებული და შეუძლია, რომ საკმაოდ სტაბილური თამაში აჩვენოს, ამიტომ ახალი კლუბის მოძებნა არ გაუჭირდება. ბოლო დროინდელი ჭორების მიხედვით, რაფინიას კატალონიის "ბარსელონაც" კი აკვირდება, რომელიც სერხი რობერტოს კონკურენტს ეძებს. ვნახოთ როგორ განვითარდება მოვლენები. რაფინია "ბაიერნს", სავარაუდოდ, აუცილებლად დატოვებს და შესაძლოა, ეს უკვე იანვარში მოხდეს.

გამოსავალი: რაფინიას წასვლის საკითხი, ალბათ, მაინც ფილიპ ლამის გადაწყვეტილებაზეა დამოკიდებული. თუ კაპიტანი გუნდს ზაფხულში დატოვებს, შესაძლოა, "ბაიერნმა" ბრაზილიელი დაიტოვოს, რათა კიმიხი უკონკურენტოდ არ დარჩეს.

წასვლის ალბათობა: 50%скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
Mapa T.Dig
Mapa T.Dig | 16 აპრილი 2017 17:58
She got lost in the old part of town.
ремонт холодильников
Not enough said, but. Is life in your country better than in Russia?
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა