მიუნხენის "ბაიერნის" ახალგაზრდა გარემარბმა, კინგსლი კომანმა, დორტმუნდის "ბორუსიასთან" მოახლოვებულ სუპერ-მატჩზე გააკეთა კომენტარი.
"ვიცი, რომ სახლში ხშირად ვიგებთ, თანაც დიდი ანგარიშით და იმედი მაქვს, ასე გაგრძელდება. ეს ყოველთვის რთული მატჩია, რომელიც აუცილებლად მოსაგებია!
ტიტულის ერთ-ერთ კანდიდატს ვუპირისპირდებით. ეს მატჩი მნიშვნელოვანია ფანებისთვისაც. აუცილებლად უნდა მოვიგოთ!", - განაცხადა 23 წლის ფრანგმა.
"რეკორდმაისტერი" გერმანიის ჩემპიონატის მე-11 ტურში სახლში დორტმუნდის "ბორუსიას" მიიღებს. თამაში კვირას ჩვენი დროით 18:30 საათზე დაიწყება.
10 სათამაშო კვირის შემდეგ ბუნდესლიგას 22 ქულით მიუნხენგლადბახის "ბორუსია" ლიდერობს, შემდეგ 19 ქულით მოდიან დორტმუნდელები. "ლაიფციგს", "ბაიერნს", "ფრაიბურგსა" და "შალკეს" 18 ქულა აქვთ.