რუმენიგე ლევანდოვსკიმ მიულერის რეკორდი საფრთხის ქვეშ დააყენა

მიუნხენის "ბაიერნის" გენერალური დირექტორი, კარლ-ჰაინც რუმენიგე, რობერტ ლევანდოვსკის ფანტასტიკური ფორმით აღფრთოვანებულია.

"ვფიქრობდი, რომ გერდის რეკორდი სამუდამოდ ხელშეუხებელი იქნებოდა და მას ვერავინ დაამხობდა. თუმცა ვფიქრობ, ლევანდოვსკი არის პირველი, რომელმაც ამ რეკორდის ხელშეუხებლობა ეჭვქვეშ დააყენა.

უბრალოდ გასაოცარი და არანორმალურია, რომ ლევის ყოველ ტურში ერთი-ორი გოლი გააქვს", - აღნიშნა კალემ.

30 წლის პოლონელი თავდამსხმელი არანორმალურ სეზონს ატარებს და ბუნდესლიგის საწყის 11 ტურში ყოველ თამაშში გამოიჩინა თავი.

ლევანდოვსკიმ საწყის 11 ტურში უკვე 16 გოლი გაიტანა და ლეგენდარული გერდ მიულერის 51 წლიანი რეკორდი დაამხო.

ახლა კი ლევი გერდის კიდევ ერთ რეკორდს უმიზნებს - ბუნდესლიგის ერთ სეზონში რეკორდული გოლების რაოდენობა. ამჟამად რეკორდი გერდს ეკუთვნის - 40 გოლი 1971/72 წლების სეზონში.