მიუნხენის "ბაიერნის" ხელმძღვანელობა მომდევნო სეზონიდან კარის ხაზის გაძლიერებას გეგმავს.
ცნობილი ბრიტანული გამოცემა "The Sun" იტყობინება, რომ "რეკორდმაისტერის" რადარზე ლონდონის "არსენალის" პირველი ნომერი, ბერნდ ლენო, მოხვდა.
"ბაიერნს" სურს, რომ შემადგენლობა რაც შეიძლება მეტი გერმანელი მოთამაშით შეივსოს და ბერნდ ლენო ერთ-ერთი ღირსეული კანდიდატია.
27 წლის გერმანელი "მეთოფეების" ძირითადი გოლკიპერია, ხოლო მიუნხენურ კლუბში სავარაუდოდ მანუ ნოიერის დუბლიორი იქნება.
ახალი სეზონისთვის "ბაიერნი" გელზენკირხენის "შალკეს" ახალგაზრდა მეკარის, ალექსანდრ ნიუბელის, დამატებას აპირებს.