მიუნხენში ლეროი სანეზე ალაპარაკდნენ

"ბაიერნის" სამეთვალყურეო საბჭოს წევრმა, ედმუნდ შტოიბერმა "SportBild"-თან ინტერვიუში ლეროი სანეს პოტენციურ ტრანსფერზე ისაუბრა და განმარტა თუ რატომ ჩაიშალა ის ზაფხულში.

"მანჩესტ სიტისთან მოლაპარაკებები გვქონდა. თითქმის ყველაფერი შეთანხმებული იყო, თუმცა სანეს მძიმე ტრავმამ ყველაფერი ჩაშალა."

ედმუნდმა ისაუბრა "ბაიერნის" გეგმებზე სანესთან დაკავშირებით, მან არ გამორიცხა ახალი შეთავაზების გაკეთება "სიტისთვის".

"ჩვენ დავაკვირდებით როგორ განვითარდება მოვლენები. მე, როგორც მრჩეველთა საბჭოს დირეკტორი და სამეთვალყურეო საბჭოს წევრი მაქვს გავლენა სპორტული დირეკტორის გუნდზე. თუ ისინი გადაწყვეტენ ახალი შეთავაზების გაკეთებას, ჩვენ მათ ხელს შევუწყობთ"- განაცხადა ედმუნდ შტოიბერმა

შტოიბერი ამჟამად "ბაიერნის" მრჩეველთა საბჭოს ხელმძღვანელი და სამეთვალყურეო საბჭოს წევრია, შესაბამისად, მას მართლაც შესწევს სანეს საკითხის წინ წამოწევა. ის აანალიზებს, რომ ამის მისაღწევად კლუბს თავისთვის უპრეცენდენტო თანხის(100მილიონი) დახარჯა მოუწევს.

"ჩვენ ვიცით რა ხდება სატრანსფერო ბაზარზე.ფასები ალოგიკურად იზრდება, თუმცა ეს აუცილებელია თუ ბაიერნს კვლავ ანგარიშგასაწევ ძალად სურს დარჩენა."

აღსანიშნავია ფაქტია, რომ "ბაიერნის" ფინანსური დირეკტორი იან-კრისტიან დრეზენი ამ მოსაზრებას იზიარებს და კლუბის ფინანსურ შესაძლებლობებშიც დარწმუნებულია.



: