...

კოლასინაჩი, ჰენრიხსი და ვაიგლი ბაიერნის რადარზე არიან

ავტორიტეტული გერმანული გამოცემა "Sportbild" საინტერესო ინფორმაციას ავრცელებს, რომლის მიხედვითაც კარლო ანჩელოტის 2017 წლის ზაფხულისთვის რამდენიმე მოთამაშე უკვე მონიშნული ჰყავს.

მოსალოდნელია, რომ სეზონის ბოლოს მიუნხენის "ბაიერნში" სერიოზული ცვლილებები მოხდეს, რადგან გაისად ერთბაშად რამდენიმე ფეხბურთელის კონტრაქტი იწურება, რომელთა შორისაც ტომ შტარკე, რაფინია, ჰოლგერ ბადშტუბერი, ხაბი ალონსო არიან. ფრენკ რიბერი, არიენ რობენი და ფილიპ ლამი კი უკვე ასაკში არიან.

შესაბამისად, "რეკორდმაისტერი" გაახალგაზრდავების ეტაპს იწყებს და უკვე სამი სამიზნე ჰყავს. პირველ რიგში, გელზენკირხენის "შალკეს" უნივერსალური განაპირა მცველი სეად კოლასინაჩი, რომელიც ახლა ფანტასტიკურ ფორმაშია და მისი კონტრაქტი სეზონის ბოლოს იწურება. როგორც ჩანს, 23 წლის ბოსნიელი კლუბის ხელმძღვანელობას ვერ უთანხმდება და შესაძლოა, ის სავსებით ხელმისაწვდომი გახდეს.

გარდა ამისა, "ბაიერნი" ლევერკუზენის "ბაიერის" მარჯვენა მცველს, 19 წლის ბენჟამინ ჰენრიხსსაც აკვირდება, რომელიც ძალიან ნიჭიერი მოთამაშეა და უკვე გერმანიის ნაკრებშიც უხმეს. მიუნხენელები მასში ლამის შემცვლელს ხედავენ, მაგრამ ბენჟამინს თავის კლუბთან კონტრაქტი 2020 წლამდე აკავშირებს და "ბაიერის" სპორტული დირექტორი, რუდი ფიოლერი, თამამად აცხადებს, რომ მის დათმობას არ აპირებს. თუმცა, "ბაიერნს" ნებისმიერი მოთამაშის გადაბირება შეუძლია.

დაბოლოს, მიუნხენურ გრანდს დორტმუნდის "ბორუსიას" საყრდენი ნახევარმცველი, იულიან ვაიგლი, ხიბლავს. ამ შემთხვევაში კი ყველაზე რთული სიტუაციაა. 22 წლის გერმანელი ტომას ტუხელის გუნდის საკვანძო ფიგურა გახდა და რა თქმა უნდა, "ბორუსია" მას იოლად არ შეელევა. კონტრაქტი კი 2019 წლამდეა გათვლილი, ამიტომ "რეკორდმაისტერს" სერიოზული ხარჯების გაცემა მოუწევს თუ ვაიგლი "ალიანს არენაზე" თამაშს მოისურვებს.

ამ ეტაპზე "ბაიერნი" მხოლოდ პირველი წრის კარგად ჩამთავრებაზე ფიქრობს, მაგრამ კლუბისათვის სამომავლო გეგმებიც მნიშვნელოვანია. კოლასინაჩი, ჰენრიხსი და ვაიგლი მართლაც ძალიან ნიჭიერი, ახალგაზრდა, უნივერსალური მოთამაშეები არიან, ამიტომ დაფიქრება და შესაბამისად მოქმედება ნამდვილად ღირს.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
Hansi
Hansi | 15 დეკემბერი 2016 16:53
ვაიგლზე მაგარი ტყუილია biggrin
heineken
heineken | 15 დეკემბერი 2016 20:36
ვაიგლი მართლა ''გიჟია'' კარგი იქნება თუ დავითრევთ კოლოსინაჩს რაც შეეხება და ჰაინრიხს ჯობია უფრო კარგი მოიზებნოს ლამის შემცვლელათ კიმიხი ცოდოა ლამის ადგილას ეგ და ვაიგლი რათქმაუნდა თუ დავითრიეთ მომავალი ცენტრი ეყოლება ბავარიას კიმო ვაიგლის სახით თან ძაან სერიოზული
Stifler
Stifler | 16 დეკემბერი 2016 16:47
ბრანდტი არის უეჭველი საყიდელი რიბერის შემცვლელად, ახალგაზრდაა, ტექნიკური და რაც მთავარია გერმანელია
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა