გადაწყვეტილება მიღებულია ვინ ჩაიბარებს ბაიერნის მთავარი მწვრთნელის პოსტს

მიუნხენის "ბაიერნიდან" ნიკო კოვაჩის წასვლის შემდგომ კლუბის მთავარი მწვრთნელის პოსტი ამ დრომდე ვაკანტურია.

ბრიტანული გამოცემა Sky Sports-ის ინფორმაციით, "რეკორდმაისტერის" მთავარი სამიზნე "პსჟს" ამჟამინდელი მწვრთნელი, თომას ტუხელია.

მოგეხსენებათ, 46 წლის სპეციალისტს ბუნდესლიგაში მოღვაწეობის კარგი გამოცდილება აქვს. ის ერთი პერიოდი დორტმუნდის "ბორუსიას" წვრთნიდა.

წყაროს ცნობით, "პსჟს" ტუხელის გაშვება არ სურს, თუმცა, "ბაიერნის" პრიორიტეტი მთავარი მწვრთნელის პოსტზე სწორედ გერმანელი სპეციალისტია და კლუბი ყველაფერს გააკეთებს, რათა სეზონის დასრულების შემდეგ მასთან კონტრაქტის გაფორმება მოახერხოს.