მესი ბაიერნის ლიდერის ტრანსფერს ითხოვს

ესპანურმა გამოცემა El Desmarque-მ სენსაციური ინფორმაცია გაავრცელა.

წყაროს ცნობით, კატალონიის "ბარსელონას" ლიდერმა, ლეო მესიმ კლუბის მესვეურებს მიუნხენის "ბაიერნის" ერთ-ერთი ლიდერის, იოზუა კიმიხის ტრანსფერი მოსთხოვა.

როგორც ცნობილია, "რეკორდმაისტერის" ახალგაზრდა მარჯვენა მცველი კატალონიური გრანდის მთავარი სამიზნე იქნება ზამთრის სატრანსფერი ფანჯრის დროს.

შეგახსენებთ, რომ კიმიხი "ბაიერნის" ღირსებას 2015 წლიდან იცავს და ის გუნდის ერთ-ერთი ლიდერიცაა. შესაბამისად, ძნელად სავარაუდოა, რომ მან კლუბი თავისი სურვილით დატოვოს.