ბაიერნი და დორტმუნდი ინგლისელი სუპერტალანტისთვის იბრძვიან

მიუნხენის "ბაიერნის" რადარზე ინგლისური "ბირმინგემის" ახალგაზრდა ნახევარმცველი, ჯუდ ბელინგემი გამოჩნდა.

ბრიტანული გამოცემა Mirror-ის ინფორმაციით, "რეკორდმაისტერმა" უკვე გააკეთა პირველი შეთავაზება 16 წლის ფეხბურთელის სანაცვლოდ.

დიდი ალბათობით, მისი ტრანსფერი მომავალ ზაფხულს შედგება, რადგან ბელინგემს 17 წელი ივნისში უსრულდება და პროფესიონალური კონტრაქტის გაფორმებასაც სწორედ მაშინ მოახერხებს.

16 წლის ნახევარმცველი ინგლისური ფეხბურთის ამომავალ ვარსკვავად ითვლება და მან ჩემპიონშიფის მიმდინარე სეზონში უკვე 22 თამაშში მიიღო მონაწილეობა. "ბაიერნის" გარდა ჯუდის დამატება დორტმუნდის "ბორუსიასაც" სურს.