...

2016 წელი ციფრებში: რეკორდები და ფაქტები

2016 წელი სულ რამდენიმე დღეში მიილევა და მიუნხენის "ბაიერნის" ოფიციალურმა ვებ-გვერდმა ბოლო ერთი წელიწადი შეაჯამა.

"რეკორდმაისტერმა" 2016 წელს საკმაოდ ნაყოფიერი შედეგი დადო და ბევრ ისტორიულ წარმატებასაც მიაღწია. გთავაზობთ "ბაიერნის" მიერ მიმდინარე წელს დამყარებულ რეკორდებს, რომლებიც აუცილებლად უნდა ნახოთ.

2016/17 წლების სეზონის პირველი ნახევრის რეკორდები
- წელს მიუნხენის "ბაიერნი" ბუნდესლიგის ზამთრის ჩემპიონი ზედიზედ მეექვსედ გახდა, რაც აბსოლუტური რეკორდია. მთლიანობაში, მიუნხენური გრანდი ახალ წელს სატურნირო ცხრილის პირველ ადგილზე 22-დ შეხვდა და წინა 21 შემთხვევიდან ვერცხლის სინი 18-ჯერ მოიპოვა.

- კარლო ანჩელოტიმ სეზონის სტარტზე პირველი რვა ოფიციალური თამაში მოიგო, რაც ბუნდესლიგაში აღზევებიდან (1965 წელი) მოყოლებული "ბაიერნის" ისტორიაში არც ერთ სპეციალისტს არ გაუკეთებია.

- მიუნხენის "ბაიერნს" ეროვნულ ჩემპიონატში საუკეთესო დაცვა ჰყავს და 16 ტურში მხოლოდ ცხრა გოლი გაუშვა. გერმანიის მოქმედი ჩემპიონი ბუნდესლიგის ერთადერთი გუნდია, რომელმაც თამაშების ნახევარში კარი მშრალად შეინახა.

34.8 - 34.8 კმ/სთ-ში - კინგსლი კომანმა ბუნდესლიგის პირველ წრეში მაქსიმალური სისწრაფე განავითარა. მან გასული სეზონის საუკეთესო მაჩვენებელი 0.43 კილომეტრით გააუმჯობესა.

52 - ბუნდესლიგის არც ერთ გუნდს არ ჰქონია ამაზე მეტი რეალური საგოლე შანსი. "ბაიერნმა" პირველ წრეში ყველაზე მეტი ბურთიც გაიტანა - 38.

69.9 - ბუნდესლიგის ყველაზე ძლიერი მოთამაშე ერთი-ერთზე ორთაბრძოლებში "ბაიერნის" მაისურს ატარებს და მატს ჰუმელსი ჰქვია. მან ორთაბრძოლების 69.9% მოიგო, რაც საუკეთესო მაჩვენებელია. ზოგადად "ბაიერნი" ორთაბრძოლებში პირველი წრის საუკეთესო გუნდია და ერთი-ერთზე შეტაკებების 53.4% მოიგო.

133 - რობერტ ლევანდოვსკიმ წლის ბოლო თამაშში "ლაიფციგს" მესამე ბურთი გაუტანა და ბუნდესლიგაში 133 გოლი დაუგროვდა. ამ მაჩვენებლით პოლონელი ლეგენდარულ ბრაზილიელ ფორვარდს, ჯოვანი ელბერს, გაუტოლდა. უფრო მეტი გოლი ლეგიონერებს შორის მხოლოდ კლაუდიო პისაროს აქვს გატანილი - 190.

159 - ტიაგო ალკანტარამ ბუნდესლიგის საწყის 16 ტურში ყველაზე მეტი კილომეტრი დაფარა - 159 კმ.

162 - მიუნხენურმა გრანდმა თამაშის წესები მხოლოდ 162-ჯერ დაარღვია, რაც ბუნდესლიგის საწყის 16 ტურში ყველაზე დაბალი მაჩვენებელია.

238 - "ბაიერნის" კაპიტანმა, ფილიპ ლამმა, "ლაიფციგთან" შეხვედრის შემდეგ ბუნდესლიგაში 238 გამარჯვება დააგროვა და ამ მაჩვენებლით ბუნდესლიგის ისტორიაში მეხუთე პოზიციაზე მყოფ შტეფან როიტერს გაუტოლდა.

284 - "ბაიერნმა" მეტოქეების კარის მიმართლებით სწორედ ამდენჯერ დაარტყა. თავის მხრივ, "რეკორდმაისტერის" მოწინააღმდეგეები მანუელ ნოიერის კარს 121-ჯერ დაემუქრნენ, რაც ბუნდესლიგის ყველაზე დაბალი მაჩვენებელია. რობერტ ლევანდოვსკიმ სულ 70 დარტყმა განახორციელა, რაც გერმანიის ჩემპიონატის საუკეთესო შედეგია.

415 - დავიდ ალაბას მიმდინარე სეზონში 415 გაქცევა აქვს განხორციელებული, რაც "ბაიერნის" შემადგენლობაში საუკეთესო შედეგია. მატჩში საშუალოდ 31 დრიბლინგს აკეთებს, რითიც მხოლოდ ფრენკ რიბერის (32) ჩამოუვარდება.

999 - გერმანიის ჩემპიონატის მე-14 ტურში, "ვოლფსბურგთან" საშინაო შეხვედრაში (5:0) ტომას მიულერმა 999 წუთიანი მშრალი სერია შეწყვიტა და ბუნდესლიგის მიმდინარე სეზონში თავისი პირველი ბურთი გაიტანა.

1 440 - მანუელ ნოიერი ერთადერთი მოთამაშეა "ბაიერნის" რიგებში, რომელმაც ბუნდესლიგის 16-ვე მატჩი თავიდან ბოლომდე ჩაატარა და მინდორზე სულ 1440 წუთი დაჰყო. რობერტ ლევანდოვსკიმაც ყოველ შეხვედრაში მიიღო მონაწილეობა, მაგრამ 1374 წუთი ითამაშა.

3 800 - "ლაიფციგის" კარში ტიაგო ალკანტარამ მიუნხენური გრანდის 3800-ე გოლი გაიტანა ბუნდესლიგაში, რაც ფენომენალური მაჩვენებელია. არც ერთ სხვა გერმანულ გუნდს 3000 გოლიც კი არ აქვს გატანილი.

11 537 - ბავარიელებმა ყველაზე მეტი პასი გააკეთეს, საუკეთესო სიზუსტის მაჩვენებლით - 87%.

2016 წლის რეკორდები
- "ბაიერნმა" ჩემპიონთა ლიგაზე არც ერთი საშინაო თამაში არ წააგო. "რეკორდმაისტერმა" მიუნხენში ექვსიდან ექვსი მატჩი მოიგო, 17 გოლი გაიტანა და მხოლოდ ოთხი გაუშვა. "ბაიერნს" ევროპის ყველაზე პრესტიჟულ ტურნირზე 15 მატჩიანი საშინაო მოგებების სერია აქვს, რაც ტურნირის რეკორდია.

6-0 - "ბაიერნმა" 2016 წელს ყველაზე დიდი ოფიციალური გამარჯვება ბუნდესლიგის ახალი სეზონის პირველ ტურში, შინ ბრემენის "ვერდერთან" მოიპოვა. კარლო ანჩელოტის გუნდმა მეტოქე 6:0 გაანადგურა.

13 - ტომას მიულერმა 2016 წელს ბუნდესლიგაში ყველაზე მეტი, 13 საგოლე გადაცემა გააკეთა. თავად გერმანელმა კი 15 ბურთი გაიტანა. მიულერის გარდა, ერთადერთი მოთამაშე, რომელმაც ორივე მაჩვენებელში ორციფრიანი რიცხვი დააფიქსირა, "მაინცის" შემტევი იუნეს მალია - 11 გოლი+11 ასისტი.

17 - "ბაიერნმა" 2016 წელს ბუნდესლიგაში კარი მშრალად 17-ჯერ შეინახა, რაც გერმანიაში საუკეთესო შედეგია.

18 - "რეკორდმაისტერმა" ეროვნული ჩემპიონატის 33 შეხვედრაში 2016 წელს მხოლოდ 18 ბურთი გაუშვა, რაც ასევე რეკორდია.

39 - რობერტ ლევანდოვსკიმ 2016 წელს 49 ოფიციალური თამაში ჩაატარა და 39 გოლი გაიტანა, რითიც პერსონალური რეკორდი დაამყარა. ბოლო "ბაიერნის" მოთამაშე, რომელმაც ასეთი შედეგი დადო, მარიო გომესი იყო. მან 2011 წელს 46 შეხვედრაში 43 ბურთი შეაგდო.

50 - მანუელ ნოიერი ერთადერთი მოთამაშეა, რომელმაც 2016 წელს "ბაიერნის" მაიუსირთ 50 თამაში ჩაატარა. ერთადერთი შეხვედრა, რომელიც 30 წლის გერმანელმა გამოტოვა, მიმდინარე სეზონში, სტუმრად "როსტოვის" წინააღმდეგ (2:3) გაიმართა. ის სვენ ულრაიხმა შეცვალა.

51 - ბუნდესლიგის კლუბებს შორის ყველაზე მეტი მატჩი კალენდარული წლის განმავლობაში "ბაიერნმა" და დორტმუნდის "ბორუსიამ" ჩაატარეს.

72 - "ბაიერნმა" ბუნდესლიგაში 2016 წელს სწორედ ამდენი გოლი გაიტანა, რაც საუკეთესო მაჩვენებელია.

81 - მიუნხენურმა კლუბმა 2016 წელს ეროვნულ ჩემპიონატში 81 ქულა დააგროვა, რაც რაღა თქმა უნდა, საუკეთესო შედეგია.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
ლუკაძაძუა
ლუკაძაძუა | 28 დეკემბერი 2016 22:14
[b][/b][i][/i][u][/u][s][/s][left][/left][center][/center][right][/right] 88bb5d07 88bb5d07 [hide][/hide]
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა