ჰიონესმა დაადასტურა სეზონის ბოლოს ბაიერნს რიბერიც დატოვებს

მიუნხენის "ბაიერნის" პრეზიდენტმა, ული ჰიონესმა, ფრანკ რიბერის მომავალზე მოკლე კომენტარი გააკეთა.

"მას უჭირს შეჩერება, მაგრამ სამწუხაროდ, ეს მისი ბოლო სეზონი იქნება.

ახლა არიენისა და ფრანკისთვის გრანდიოზული გაცილების მოწყობაზე ვმუშაობთ", - განაცხადა ჰიონესმა.

"რეკორდმაისტერის" ჰოლანდიელმა ლეგენდამ, არიენ რობენმა, გასული წლის ბოლოს დაანონსა, რომ ზაფხულში "ბაიერნს" დატოვებს, ხოლო რიბერის მსგავსი განცხადება არ გაუკეთებია.

ფრანკ რიბერი "ბაიერნის" ღირსებას 2007 წლიდან იცავს, ხოლო არიენ რობენი - 2009 წლიდან და ისინი მიუნხენური გრანდის სიმბოლოებად იქცნენ.