...

2016 წლის საუკეთესო მომენტები სურათებში

2016 წლის დასრულებამდე სულ რაღაც ორი დღე რჩება, ამიტომ მიუნხენის "ბაიერნის" ოფიციალურმა ვებ-გვერდმა უკანასკნელი 12 თვე შეაჯამა და საუკეთესო მომენტები ფოტოგალერეას სახით შემოგვთავაზა.

მიუნხენის "ბაიერნის" პირველი ვარჯიში 2016 წელს. პეპ გვარდიოლას გუნდმა ზაბენერ შტრასზე პრესისა და ქომაგების თანდასწრებით 4 იანვარს ივარჯიშა.

პირველი ვარჯიშიდან რამდენიმე დღეში "ბაიერნმა" ცივი გერმანიიდან ცხელ დოჰაში გადაინაცვლა და სეზონის მეორე ნახევრისთვის მზადება დაიწყო. ტომას მიულერმა კი თავისუფლად დროს ადგილობრივ გულშემატკივარს ავტოგრაფები დაურიგა.

დოჰაში მანუელ ნოიერმა კარგი ამბავი გაიგო: მიუნხენური გრანდის კარის დარაჯი წლის საუკეთესო გოლკიპერად ზედიზედ მესამედ აღიარეს.

ბუნდესლიგა მიუნხენელებმა ცოტათი მძიმედ განაახლეს, მაგრამ რობერტ ლევანდოვსკის წყალობით ახალი წლის პირველი ორი თამაში მოიგეს. პოლონელმა "ჰამბურგისა" და "ჰოფენჰაიმის" წინააღმდეგ დუბლები გაიფორმა.

ლევერკუზენის "ბაიერთან" მძიმე მატჩისა და უგოლო ფრის შემდეგ, "ბაიერნმა" გერმანიის თასის მერვედფინალში გაილაღა და "ბოხუმი" სტუმრად მარტივად დაამარცხა. ლევანდოვსკიმ მორიგი დუბლი გაიფორმა, რასაც ტიაგო ალკანტარას გოლიც დაემატა - 3:0.

ცუდი სიახლე "ბაიერნისთვის": გერმანელმა მცველმა, ჰოლგერ ბადშტუბერმა, მუხლის მორიგი სერიოზული ტრავმა მიიღო. ეს "აუგსბურგთან" მატჩის წინ მოხდა, რომელიც გვარდიოლას გუნდმა გასვლაზე 3:1 მოიგო.

ტომას მიულერის დუბლითა და რობერტ ლევანდოვსკის მორიგი ბურთით "ბაიერნმა" "დარმშტადტი" შინ 3:1 დაამარცხა, მაგრამ მატჩის გმირი ფრენკ რიბერი გახდა. ლეგენდარული ფრანგი მინდორს 347 დღიანი პაუზის შემდეგ დაუბრუნდა.

"ბაიერნი" სერიოზულ ბრძოლაში ჩაერთო - ჩემპიონთა ლიგის პირველ მერვედფინალირ შეხვედრას, სტუმრად ტურინის "იუვენტუსის" წინააღმდეგ, გერმანელები ტომას მიულერისა და არიენ რობენის გოლებით იგებდნენ, მაგრამ ბოლო 30 წუთში უპირატესობა გაანიავეს - 2:2.

კლუბის 116 წლის იუბილეზე "ბაიერნმა" სტუმრად "ვოლფსბურგი" კინგსლი კომანისა და ლევანდოვსკის გოლებით დაამარცხა. ამის შემდეგ "რეკორდმაისტერს" 11 ქულიანი უპირატესობა ჰქონდა.

მიუნხენურმა კლუბმა წლის პირველი ოფიციალური თამაში 2 მარტს, შინ "მაინცის" წინააღმდეგ (1:2) წააგო. სამ დღეში კი მთავარ კონკურენტ დორტმუნდის "ბორუსიას" სტუმრად დაუპირისპირდა და მნიშვნელოვანი მატჩი უგოლოდ დასრულდა.

"ბაიერნმა" საკუთარ მოედანზე ბრემენის "ვერდერი" 5:0 გაანადგურა. ტიაგომ და მიულერმა ორ-ორი ბურთი გაიტანეს და "რეკორდმაისტერმა" "იუვესთან" საპასუხო მატჩის წინ კარგად გაილაღა. ეს ფილიპ ლამის მე-300 თამაში იყო ბუნდესლიგაში.

მიუნხენში, "ბაიერნსა" და "იუვენტუსს" შორის, წლის ერთ-ერთი საუკეთესო, დრამატული ჟანრის, პაექრობა გაიმართა და ტურინელები 2:0 დიდი ხანი იგებდნენ.

72-ე წუთზე რობერტ ლევანდოვსკის თავურმა გუნდს იმედები დაუბრუნა, მატჩის ბოლო წუთზე კი ტომას მიულერმა შეხვედრა დამატებით დროში გადაიყვანა. ტიაგომ და კომანმა ჯანლუიჯი ბუფონის კარი კიდევ ორჯერ აიღეს, "ბაიერნმა" 4:2 იმარჯვა და მომდევნო ეტაპზე სასწაულებრივ გავიდა.

ფრენკ რიბერიმ ფრანკფურტის "აინტრახტს" მიუნხენში ულამაზესი მაკრატელა გაუტანა და "ბაიერნმა" სწორედ ამ ბურთით იმარჯვა. ფრანგმა ამ საოცარი დარტყმით იუბილე აღნიშნა - მან ბუნდესლიგაში მე-200 თამაში ჩაატარა.

ჩემპიონთა ლიგაზე საშინაო გამარჯვებების სერია მეოთხედფინალში გაგრძელდა. არტურო ვიდალის თავურით "ბაიერნმა" შინ ლისაბონის "ბენფიკა" მინიმალური ანგარიშით დაამარცხა - 1:0.

ერთ კვირაში პორტუგალიაში საპასუხო მატჩი გაიმართა. ჩილელმა ნახევარმცველმა თავი კვლავ გამოიჩინა, მატჩი ფრედ 2:2 დასრულდა და "ბაიერნი" ჩემპიონთა ლიგის ნახევარფინალში ზედიზედ მეხუთედ გავიდა.

უდიდესი ნაბიჯი ზედიზედ მეოთხე ვერცხლის სინისკენ: რობერტ ლევანდოვსკის დუბლით და არტურო ვიდალის გოლით "ბაიერნმა" გელზენკირხენის "შალკე", ბუნდესლიგის 30-ე ტურში, შინ 3:0 დაამარცხა.

გერმანიის თასის ნახევარფინალში მიუნხენელებმა ბრემენის "ვერდერი" შინ 2:0 დაამარცხეს და ბერლინის საგზური ისტორიაში 21-დ მოიპოვეს. ორივე ბურთი ტომას მიულერმა შეაგდო.

ევროპის ყველაზე პრესტიჟული ტურნირის ნახევარფინალში გვარდიოლა კიდევ ერთ ესპანურ გუნდს გადაეყარა და სტუმრად კვლავ დამარცხდა. ამჯერად მადრიდის "ატლეტიკოსთან" 0:1.

საპასუხო თამაში მიუნხენში "ბაიერნმა" 2:1 მოიგო, მაგრამ შინ გაშვებული ბურთის გამო ტურნირი კვლავ ნახევარფინალის სტადიაზე დატოვა. არადა პირველი ტაიმის ბოლოს, 1:0-ზე, მიულერმა პენალტი გააფუჭა. ამის შემდეგ კი "ბაიერნმა" ზედიზედ მეოთხე ჩემპიონობა და გერმანიის თასის მოგება აღნიშნა.


2016 წლის ზაფხულში პეპ გვარდიოლა გამოცდილმა იტალიელმა სპეციალისტმა, ლეგენდარულმა კარლო ანჩელოტიმ ჩაიბარა და 57 წლის ასაკში გერმანიას პირველად ეწვია.

აგვისტოში მიუნხენური კლუბი ჩრდილოეთ ამერიკაში გაემგზავრა და მონაწილეობა მიიღო ამხანაგურ ტურნირში - საერთაშორო ჩემპიონთა თასზე.

ანჩელოტიმ პირველივე ოფიციალურ თამაშში გუნდს ტიტული მოუპოვა. "ბაიერნმა" დორტმუნდში "ბორუსია" 2:0 დაამარცხა და გერმანიის სუპერთასი მოიგო. მიუნხენელებმა ეს ტიტული 2012 წლის შემდეგ პირველად ჩაიგდეს ხელში.

ბუნდესლიგის ახალი სეზონი "ბაიერნმა" საკუთარ მოედანზე გრანდიოზულად გახსნა და ბრემენის "ვერდერი" 6:0 გაანადგურა. რობერტ ლევანდოვსკიმ ჰეთ-თრიქი გაიფორმა, ხაბი ალონსომ ულამაზესი გოლი გაიტანა, ფილიპ ლამმაც გამოიჩინა თავი და აგრეთვე, ფრენკ რიბერიმ.

ჩემპიონთა ლიგის ჯგუფური ეტაპის მეოთხე ტურში "ბაიერნმა" სტუმრად "პსვ ეინდჰოვენი" 2:1 დაამარცხა და ფლეი-ოფის საგზური გაინაღდა. ჰოლანდიაში თავი ორივეჯერ პოლონელმა ფორვარდმა გამოიჩნა.

ნოემბრის ბოლოს, როგორც მოსალოდნელი იყო, "ბაიერნის" პრეზიდენტის პოსტს ლეგენდარული ული ჰიონესი დაუბრუნდა. მან კარლ ჰიოფნერი შეცვალა და კლუბში დიდებული განწყობა შეიტანა - ულის დაბრუნების შემდეგ გუნდმა ექვსიდან ექვსი მატჩი მოიგო.

"ლაიფციგის" განადგურებამდე, "ბაიერნმა" საკუთარ კედლებში "ვოლფსბურგი" მიიღო და შავი დღე აყარა - 5:0. ამ თამაშში ბუნდესლიგაში თავისი პირველი და ჯერჯერობით ერთადერთი გოლი, ტომას მიულერმა გაიტანა.

2016 წელი კი ბრწყინვალე გამარჯვებითა და ლაზერული შოუთი "ალიანს არენაზე" დასრულდა - "ბაიერნმა" მთავარი კონკურენტი შინ 3:0 უშანსოდ დაამარცხა და ზამთრის ჩემპიონი ზედიზედ მეექვსედ გახდა.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
VikaOn
VikaOn | 7 იანვარი 2017 11:46
Как без труда развести девушку на секс: http://seo-swat.ru//g9bVJ
.
Olga Y.neump
Olga Y.neump | 24 აპრილი 2017 04:12
His business went from bad to worse.
http://www.serwer1433331.home.pl/ngo/index.php/forum/suggestion-box/47200
Just gone crazy or something. Nastya and Gena study at a secondary school.

http://www.daimlersp250dartownersclub.com/forums/topic/1574-to-1584-inclusive-u
nknown-knowns/

Badly written, but. Do you know any really big people?
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა