...

ფილიპ ლამის ვრცელი ინტერვიუ

მიუნხენური კლუბის კაპიტანმა და მარჯვენა მცველმა, დიდებულმა ფილიპ ლამმა, გერმანულ გამოცემა "Sport1-ს" საკმაოდ ვრცელი და საინტერესო ინტერვიუ მისცა.

გამოცდილმა გერმანელმა რამდენიმე თემაზე ისაუბრა: კლუბის ამჟამინდელ სიტუაცასა და მთავარ მწვრთნელზე, ფრენკ რიბერისა და არიენ რობენზე, ბოლოს კი დორტმუნდის "ბორუსიაზეც" ჰკითხეს.

"ბაიერნის" ამჟამინდელ კრიტიკაზე: "შაბათს ლამაზი ოქტომბერფესტი გვქონდა. კრიტიკა კი კარგია, მისაღები. ამ საქმეში ახალი ნამდვილად არ ვარ, ამიტომ კარგად ვიცი როგორ გორდება უმნიშვნელო დეტალები და როგორ მიდიან კრიტიკოსები სხვა მიმართულებით. "ბაიერნი" უკვე ოთხი სეზონია გერმანიის ჩემპიონატს იგებს, ამიტომაც ბევრი რაიმე განსაკუთრებულსა და უფრო სანახაობრივს ელის, ზოგიერთს კი ახალი ჩემპიონის ხილვა სურს".

"ბაიერნის" ამჟამინდელ მდგომარეობაზე: "ჩვენ გვყავს ახალი გუნდი, რომელშიც რამდენიმე ცვლილება მოხდა და ახალი მთავარი მწვრთნელი, რომელსაც დრო სჭირდება. ახლა გუნდში ახალი ფილოსოფია ინერგება, ამიტომ მას უნდა მივეჩვიოთ. აი სწორედ ამიტომ ვარ ასეთი მშვიდი. ჩვენ ლიდერები ვართ. ჩემპიონთა ლიგაზე, სამწუხაროდ, ჩამოვრჩით, რადგან "ატლეტიკოსთან" მადრიდში წავაგეთ. თუმცა, სერიოზული არაფერია. მიუხედავად ამისა, როგორც არა ერთმა მოთამაშემ აღნიშნა, ჩვენ უნდა მოვუმატოთ თუ წარმატების მიღწევა გვსურს. მე მჯერა, რომ "ბაიერნი" აუცილებლად გაუმჯობესდება.

იმაზე თუ რა არის გასაუმჯობესებელი: "პირველ რიგში, უფრო მეტი აგრესიულობა გვმართებს. ამან ბოლო წლებში ბრწყინვალე შედეგი გამოიღო და მეტოქეებს ყოველთვის ვაგრძნობინებდით, რომ მათ ამუნსთქვის საშუალებაც კი არ ჰქონდათ. შემდეგ, ალბათ ტაქტიკურად. უფრო მეტი ბალანსი გვჭირდება. "ბაიერნი" მოწინააღმდეგეებს ბევრის უფლებას აძლევს და თავად ვერ ქმნის ბევრ საგოლე მომენტს, ყოველ შემთხვევაში, იმდენს, რამდენსაც ბოლო წლებში მივეჩვიეთ.

სწორი განწყობა კი თავისთავად მოვა. მნიშვნელოვანია, რომ ჩვენი შემტევი თამაში იყოს იდეალური, მცირე ხარვეზეის დაშვებაც არ შეიძლება. თუ სარკეში შეცდომებს 100 პროცენტით ვერ დავინახავთ, ეს მაღალი კლასის მეტოქეებს გამოადგებათ. ეს კარგად მადრიდში გამოჩნდა. გარდა ამისა, ვერც პასებს ვაკეთებთ ისეთი სიზუსტით, როგორც აქამდე. ჩვენი გადაცემების სტილი არ შეცვლილა, მაგრამ შეიცვალა მოთამაშეების როლი მინდორზე".

კარლო ანჩელოტიზე და მოთამაშის თავისუფლებაზე: "რთულია მწვრთნელების შედარება, რადგან მათი სახიათი ყოველთვის განსხვავებულია. ვფიქრობ, რომ ანჩელოტი ძალიან კომუნიკაბელური, სახალისო ადამიანია. ჯერ კიდევ გაცნობის ეტაპზე ვართ, მაგრამ ორი აზრი არ არსებობს, რომ ის დიდებული სპეციალისტია.

ვფიქრობ, რომ მოთამაშე მოედანზე ყოველთვის თავისუფალია, რადგან კონკრეტულ მომენტებში გადაწყვეტილებას თავად იღებს. მწვრთნელი ფეხბურთელსა და გუნდს აძლევს რჩევას თუ როგორ ითამაშოს საუკეთესოდ მეტოქის წინააღმდეგ. შემდეგ კი უკვე ეს მოთამაშეებმა უნდა გაიაზრონ. თუმცა, ამ შემთხვევაში, თავისუფლება გარდაუვალია. მე მთელი ჩემი პროფესიონალური კარიერის განმავლობაში ასე ვიქცეოდი და მიდგომას არც შევცვლი.

თუმცა, თავისუფლება ყოველთვის სიმართლეს არ ნიშნავს. ყველაზე მნიშვნელოვანი ისაა, რომ პასუხისმგებლობის გრძნობა ყველას ჰქონდეს და ამავდროულად, საკუთარ შესაძლებლობებში თავდაჯერებული იყოს".

არიენ რობენსა და ფრენკ რიბერიზე: "მაყურებელი ახლაც მარტივად ხედავს, რომ ამ ორ მოთამაშეს უნიკალური შესაძლებლობები აქვს. მათ დიდი გამოცდილება აქვთ და უკვე რამდენიმე წელია უმაღლეს დონეზე ასპარეზობენ. ჩემთვის რიბერისა და რობენის გვერდით მინდორზე ყოფნა კვლავ დიდი სიამოვნებაა. ძალიან დიდი სურვილი მაქვს, რომ მათ ერთად კიდევ ერთი წელი გაატარონ და დაამტკიცონ რა შეუძლიათ. ორივე ნამდვილი გამარჯვებულია და "ბაიერნში" უნდა დარჩნენ".

დორტმუნდის "ბორუსიაზე": "ჩემზე დორტმუნდის "ბორუსია" ძალიან კარგ შთაბეჭდილებას ტოვებს. მჯერა, რომ ისინი ამჯერად ბევრ ქულას არ დაკარგავენ. მათ ლაიფციგში არ გაუმართლათ, ლევერკუზენში კი რთული ბრძოლა გადაიტანეს და ლოგიკურად დამარცხდნენ. თუმცა, ჩემი აზრით, "ბორუსია" ძალიან სტაბილური და თანამედროვე გუნდია".

"ბორუსიას" მთავარ მწვრთნელ ტომას ტუხელზე: "ვფიქრობ, ის ძალიან კარგი მწვრთნელია, რომელიც საკმაოდ დეტალურად მუშაობს. გუნდმა მეტოქის შესახებ ყველაფერი ზედმიწევნით იცის. როდესაც "ბორუსიას" აქვს ბურთი, მათ წინააღმდეგ თამაში უფრო ინტენსიური და არაკომფორტული ხდება".скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
Mapa T.Dig
Mapa T.Dig | 16 აპრილი 2017 06:31
We can make room for one more dog.
ремонт холодильников
Not enough said, but. Are you afraid to say the truth?
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა