...

რაში სჭირდება ბაიერნს ნიკოლას ზიულე?

დაახლოებით ორი კვირის წინ ერთ-ერთმა ყველაზე პოპულარულმა და ავტორიტეტულმა გერმანულმა გამოცემამ, "Bild-მა" გაავრცელა, რომ მიუნხენის "ბაიერნი" "ჰოფენჰაიმს" ორი მოთამაშის, ნიკოლას ზიულესა და სებასტიან რუდის, ტრანსფერის თაობაზე შეუთანხმდა. ერთ კვირაში კი დაიწერა, რომ "რეკორდმაისტერმა" ზიულეს საკითხი თითქმის ბოლომდე მიიყვანა და დასახელდა თანხა, რომლის სანაცვლოდაც "ბაიერნი" 21 წლის ნიჭიერ გერმანელს დაიმატებს.

ასე, რომ საკმაოდ დიდი ალბათობით, 2017 წლის ზაფხულში გერმანიის ეროვნული ნაკრების საკმაოდ პერსპექტიული ტალანტი "ბაიერნში" 20 მილიონ ევროდ გადავა და კარიერაში ახალ ეტაპს დაიწყებს. ვინც ბუნდესლიგას თვალ-ყურს ადევნებს კარგად მოეხსენება, რომ ნიკოლასი "სოფლელების" დაცვის ლიდერი და მართლაც საკმაოდ კარგი ფეხბურთელია. თუმცა, მაინც ძალიან საინტერესოა თუ რაში სჭირდება მიუნხენურ გრანდს ეს ახალგაზრდა ცენტრალური მცველი.

ამ სტატიაში შემოგთავაზებთ ზიულეს ტრანსფერის უპირატესობებს და აგრეთვე ვისაუბრებთ იმ უარყოფით მხარეებზეც, რომელიც შესაძლოა ამ შეთანხმებას მოჰყვეს.

ნიკოლას ზიულე - ახალგაზრდა გერმანელი ტალანტი
მიუნხენურ კლუბს ახლა ოთხი ნომინალური ცენტრალური მცველი ჰყავს - მატს ჰუმელსი (28), ჟერომ ბოატენგი(28), ჰოლგერ ბადშტუბერი (27) და ხავი მარტინესი (28). მათი საშუალო ასაკი კი 27.75 წელია, რაც არც თუ ისე დაბალი მაჩვენებელია. რაც შეეხება ნიკოლას ზიულეს, ის 21 წლის ახალგაზრდა ტალანტია, რომელიც გერმანული ფეხბურთის ამომავალ ვარსკვლავად ითვლება. "ბაიერნი" კი ასეთ ნიჭიერ მოთამაშეებზე ყოველთვის აკეთებდა აქცენტს და გამონაკლისი არც "ჰოფენჰაიმის" დაცვის ლიდერია. "რეკორმდაისტერის" პრეზიდენტი ორწლიანი პაუზის შემდეგ კვლავ ული ჰიონესი გახდა, რომელიც გუნდის გაძლიერებას ყოველთვის ნიჭიერი გერმანელი მოთამაშეებით ცდილობდა და ასეთი შანსის დაკარგვა, რა თქმა უნდა, არ სურს. ზიულეს საკმაოდ დიდ მომავალს უწინასწარმეტყველებენ და ის უკვე გერმანიის ეროვნული ნაკრებიც წევრიცაა. იოახიმ ლიოვი ნიკოლასს ეროვნულ გუნდში უკვე ხშირად იძახებს და აგვისტოში, ფინეთთან ამხანაგურ შეხვედრაში, მან "ბუნდესნაკრების" რიგებში სადებიუტო მატჩი ჩაატარა. ნიკოლას ზიულე ბუნდესლიგის ერთ-ერთი გამორჩეული ტალანტია და ასეთი მოთამაშეების 90% კარიერული პიკის მისაღწევად და მთავარი გამოცდის გასავლელად ერთნაირ გზას ირჩევენ - "ბაიერნში" გადასვლას, რომელიც ქვეყნის უძლიერესი კლუბია. მისი დამატებით "რეკორდმაისტერი" დაცვის ხაზს გაახალგაზრდავებს და შემადგენლობაში ერთი ნიჭიერი გერმანელით მეტი ეყოლება.

ზიულეს სათამაშო უპირატესობები
21 წლის გერმანელი უკვე მეოთხე სეზონია "ჰოფენჰაიმის" დაცვის ლიდერად გვევლინება და მშვენიერი მონაცემები აქვს. ზიულე ტანმაღალი (1.95 სმ), ფიზიკურად ძლიერი მცველია, რომელსაც ხისტ ორთაბრძოლებში შესვლა და საჰაერო დუელების მოგება არ უჭირს. ნიკოლასი მეორე სართულზდ ბუნდესლიგის ერთ-ერთი საუკეთესო მოთამაშეა და ამ აპსექტში "ბაიერნის" ნებისმიერ მცველს აჯობებს. თუმცა, გარდა ფიზიკური სიძლიერისა, ზიულეს კარგი პირველი პასი აქვს და შეტევების წამოწყებაც შეუძლია. ამ მხრივ ის ძალიან ჰგავს მატს ჰუმელსს, რომელსაც ასევე ძალიან უყვარს ბურთის ცენტრამდე ატანა და წინ თამამად, გრძელი ნაბიჯებით, წასვლა. ამ ზაფხულის ოლიმპიადაზე კი, რომელიც რიოში გაიმართა, ზიულეს სხვა ძლიერი მხარეებიც გამოჩნდა, მათ შორის ერთი-ერთზე თამაში. ნიკოლასი თავს საკმაოდ ყურადღებით იცავს და მეტოქის ცრუ მოძრაობებს იშვიათად ჰყვება. თანაც, გრძელი ფეხების წყალობით, მოწინააღმდეგეებს ბურთს მარტივად ართმევს და ვარდნებშიც უპირატესობა აქვს. ბურთთან ურთიერთობა ცოტათი უჭირს, რადგან ვერ არის ისეთივე დახვეწილი, როგორც იგივე ჰუმელსი, სამაგიეროდ ნამდვილი მებრძოლი და მონდომებული ტალანტია. ზიულეს მთავარი პლიუსებია თავით თამაში, ფიზიკური ორთაბრძოლები, ერთ-ერთზე თამაში და სითამამეა. ეს კი ცოტა ნამდვილად არ არის, თანაც "ბაიერნში" განვითარების სერიოზული პერსპექტივებია.

კონკურენციის ამაღლება
მიმდინარე სეზონის დაწყებამდე ყველას ეგონა, რომ მიუნხენის "ბაიერნში" ის თანდემი ამოქმედდებოდა, რომელსაც იოახიმ ლიოვი გერმანიის ნაკრებში უკვე რამდენიმე წელია საკმაოდ წარმატებით იყენებს. თუმცა, ჟერომ ბოატენგს ჯერ ტრავმამ, შემდეგ კი ძალიან ცუდმა თამაშმა, ხელი შეუშალა და ახლა ძირითადის ცენტრალური მცველი, მატს ჰუმელსთან ერთად, ესპანელი ხავი მარტინესია. სამომავლოდაც, სასტარტო შემადგენლობაში ადგილის მოსაპოვებლად სწორედ ეს სამი ცენტრალური მცველი იბრძოლებს, რადგან ჰოლგერ ბადშტუბერი მათთან ახლოსაც კი ვერ მივა. ზიულეს დამატების შემთხვევაში კი ტრიო კვარტეტამდე გაიზრდება და კონკურენცია საკმაოდ სერიოზული იქნება. 21 წლის ენერგიით სავსე, მონდომებული და მოტივირებული ტალანტი გამოცდილ გერმანელებსა და მარტინესს მოდუნების საშუალებას ერთი წამითაც არ მიცემს. ჯანსაღი კონკურენცია კი ნებისმიერი მაღალი დონის კლუბისათვის სასარგებლო და შეიძლება ითქვას, აუცილებელიცაა. გარდა ამისა, დაძაბულობა ტრავმიანობის პერიოდშიც შენარჩუნდება. ახლა, როდესაც ბოატენგი დამტვრეულია, ჰუმელსსა და მარტინესს კონკურენტი არ ჰყავთ, მაგრამ ზიულეს დამატების შემთხვევაში, სიტუაცია შეიცვლება. კარლო ანჩელოტის უფრო მეტი ვარიანტი ექნება და თანაც საიმედო. "ბაიერნს" მინდორზეც ორი მშვენიერი მცველი ეყოლება და სათადარიგო სკამზეც, რაც დიდი ფუფუნებაა.

გამოუცდელობის პრობლემა
ნიკოლას ზიულეს დებიუტი გერმანიის ეროვნულ ჩემპიონატში ძალიან ადრე, 2012/13 წლების სეზონის ბოლოს, შედგა, როდესაც ის მხოლოდ 17 წლის იყო. პირველ გუნდში უკვე მომდევნო სეზონიდან დაიმკვიდრა ადგილი და ბუნდესლიგაში მეოთხე მაღალი დონის წელს ატარებს. მიუხედავად ამისა, მას საერთაშორისო გამოცდილება არ აქვს და ჯერ მხოლოდ "სოფლელების" დონეზე ვიცნობთ. ზიულეს მაღალი დონის კლუბში არასოდეს უთამაშია, ამიტომ აუცილებლად ექნება აკლიმატიზაციის გარკვეული პრობლემები. "ბაიერნი" სულ სხვა დონეა და მიუნხენურ გრანდში ზიულეს გაცილებით მეტი მოეთხოვება, ვიდრე "ჰოფენჰაიმში", რომელიც მხოლოდ შიდა ჩემპიონატში ასპარეზობს. წლების წინ "ბაიერნმა" ბრემენის "ვერდერიდან" ასევე საოცრად პერსპექტიული ცენტრალური მცველი, ვალერიან ისმაელი, დაიმატა, მაგრამ ახალგაზრდა ფრანგმა სრული კრახი განიცადა და არანორმალური დეგრადაცია განიცადა. რა თქმა უნდა, იგივეს თქმა ზიულეზე უსამართლო იქნება, რადგან ჯერ ის საქმეში არ გვინახავს, მაგრამ გამორიცხული არაფერია. ასე, რომ მისი დამატებით, "ბაიერნი" გარკვეულწილად რისკზეც მიდის, მაგრამ სხვა გზა უბრალოდ არ არსებობს. ნიკოლასი პირდაპირ საშუალო დონიდან უმაღლეს მწვერვალზე ადის, რაც მარტივი არცერთი მოთამაშისთვის არ არის, მით უმეტეს, 21 წლის ასაკში. ზიულეს, ამ ეტაპზე, გამოცდილება ნამდვილად მწირი აქვს, მაგრამ როგორც ჩანს, "რეკორდმაისტერი" მასში ხედავს პოტენციალს, რადგან "ბაიერნი" უბრალოდ არავის იმატებს.

მსგავსება იან კირჰხოფთან
ალბათ ყველას გახსოვთ საკმაოდ ნიჭიერი გერმანელი ტალანტი, რომელიც მიუნხენის "ბაიერნმა" 2013 წლის ზაფხულში უფასოდ დაიმატა და საბოლოოდ, ეს ტრანსფერი სრული იმედგაცრუება გამოდგა. იან კირჰხოფი, რომელიც ახლა "სანდერლენდის" ღირსებას იცავს, ზიულეზე ერთ წლით უფროსი იყო და მის მსგავსად, საკმაოდ პერსპექტიულ გერმანელ მცველად ითვლებოდა, რომელიც საშუალო დონის გუნდ "მაინცში" ასპარეზობდა და გუნდის დაცვის ლიდერი იყო. გარდა ამისა, ნიკოლასსაც და იანსაც ზურგს მნიშვნელოვანი საერთაშორისო ტურნირი უმაგრებს: ზიულეს - რიოს ოლიმპიადა, კირჰხოფს კი - ახალგაზრდული ევროპის ჩემპიონატი. ყველაზე საინტერესო კი ის არის, რომ ორივე 1.95 სმ სიმაღლისაა და სათამაშო სტილით ერთმანეს ძალიან ჰგვანან. კირჰხოფიც ძლიერი იყო მეორე სართულზე, ფიზიკურად მშვენივრად გამოიყურებოდა და კარგი პასიც ჰქონდა, მაგრამ ცოტათი მოუქნელი იყო, რის გამოც პეპ გვარდიოლას გუნდში ფეხი ვერაფრით მოიკიდა. ზიულე ახლა უფრო სერიოზულ ტალანტად ითვლება, ვიდრე წლების წინ კიჰხოფი, მაგრამ სხვაობა არც ისე დიდია. ამ ორ ტანმაღალ მცველს შორის მართლაც ბევრი საერთო და მსგავსებაა, ამიტომ "ბაიერნს" შესაძლოა კვლავ არ გაუმართლოს. თუმცა, ამის გამო ზიულეზე უარს არავინ იტყვის და იმედია, ნიკოლასი იანის გზას არ გაჰყვება.

ვნახოთ როგორ განვითარდება მოვლენები და საბოლოოდ, აღმოჩნდება თუ არა უნიჭიერესი გერმანელი მცველი მიუნხენის "ბაიერნში". ნებისმიერ შემთხვევაში, 21 წლის ცენტრალური მცველის დამატება სასიამოვნო სიახლე იქნება, მაგრამ რამდენად გაამართლებს მისი ტრანსფერი, ეს უკვე სხვა საკითხია. ამის გასარკვევად მოთმინება გვჭირდება, რადგან მთავარი მოვლენები ზაფხულში განვითარდება.
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ნიკოლას ზიულე ბლოგი
მსგავსი სიახლეები
კომენტარები
namtvralevi
namtvralevi | 30 დეკემბერი 2016 18:50
თუ მარტინესს საყრდენზე აწევენ მაშინ მოიყვანონ.ერთხელ დააყენოს ანჩელოტიმ ხავი საყრდენე რა მოხდება?არ აინტერესეებს?:) იმენა ვიდალი მარტინესი ალკანტარა გაუვალი ცენტრი იქნება.
აღწერაში ბევრი საინტერესო ასპექტი იყო,მაგრამ ჰუმელსს თავზე ჯობია ზულე?
zauriko26
zauriko26 | 30 დეკემბერი 2016 21:00
მოუმატებს ეს და ნაკრებსჰიც და ბაიერნში 1 იქნება მატსის წასვლის მერე
Guest Mapa T.Dig
Guest Mapa T.Dig | 12 აპრილი 2017 06:46
I came in time to have a cup of coffee before class.
Ремонт холодильников Asko круглосуточно
Just gone crazy or something. The little Charlie was hiding under the table.
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა