მიუნხენის "ბაიერნის" ოფიციალურმა საიტმა დეკემბრის თვის საუკეთესო ფეხბურთელი გამოავლინა.
გამოკითხვაში ხმების 41% მარცხენა მცველმა, ალფონსო დევისმა მიიღო და შესაბამისად, პრიზიც სწორედ კანადელმა დაისაკუთრა.
ახალგაზრდა ფეხბურთელმა ხუთივე შეხვედრაში სრული, 90 წუთი გაატარა მინდორზე და სამი საგოლე გადაცემის გაკეთებაც მოახერხა.
გამოკითხვაში მეორე ადგილი ფილიპე კოუტინიომ დაისაკუთრა, მესამეზე კი რობერტ ლევანდოვსკი გავიდა.