ჟერომ ბოატენგის ირგვლივ ატეხილი სატრანსფერო აჟიოტაჟი კვლავ გრძელდება.
იტალიური გამოცემა Calciomercato-ს ინფორმაციით, ცენტრალური მცველის დამატებასთან "მილანი" იყო ახლოს, თუმცა, საბოლოოდ ტრანსფერი ჩაიშალა.
წყაროს ცნობით, "როსონერიმ" ბოატენგი მისი ხელფასის გამო დაიწუნა. როგორც ცნობილია, ფეხბურთელი კლუბის მიერ შეთავაზებულ თანხაზე დაახლოებით ორჯერ მეტ ანაზღაურებას ითხოვდა.
შეგახსენებთ, რომ ბოატენგი "ბაიერნის" დატოვებასთან ძალიან ახლოსაა და მისი დამატებით ლონდონის "არსენალი" ინტერესდება.