...

ფაქტები მანუელ ნოიერის ცხოვრებიდან

მანუელ ნოიერი მიუნხენის "ბაიერნის" ღირსებას უკვე ექვსი წელია იცავს და მსოფლიოს საუკეთესო გოლკიპერმა "რეკორდმაისტერის" ქომაგებს თავი ძალიან შეაყვარა.


30 წლის მსოფლიო ჩემპიონი კარის ხაზზე ძალიან დამაჯერებლად და სტაბილურად მოქმედებს, რისი წყალობითაც უმაღლეს დონეს მუდმივად ინარჩუნებს. ამ სიახლეში კი ცოტათი სხვანაირ მანუს გაიცნობთ, რომელსაც მინდორზე ვერავინ ხედავს.

მაშ ასე, გთავაზობთ საინტერესო ფაქტებს ნოიერის ცხოვრებიდან.

20 წელი „შალკეში“

მანუელ ნოიერმა პირველად „შალკეს“ მაისური ჩაიცვა 1991 წელს. სწორედ მაშინ გელზენკირხენის რაიონში, კერძოდ, ბუერში დაბადებული ხუთი წლის ბიჭუნა საბავშვო ტურნირზე მიიყვანა მამამ. მანუელის მამა პოლიციელი იყო, მის ვალდებულებას წარმოადგენდა „შალკეს“ სტადიონის დაცვაც. რადგან საბავშვო გუნდში ყველა  მინდვრის მოთამაშის ადგილი დაკავებული იყო, ბიჭი კარში ჩადგა და „ლურჯების“ ღირსებას 20 წლის განმავლობაში იცავდა, სანამ „ბაიერნში“ არ გადავიდა. მშობლიურ ქალაქს ნოიერი დღესაც სიამოვნებით სტუმრომს. მისი საყვარელი ადგილი კი დღემდე ლუდის სახლი „ხახვია“ ( „Die Zwiebel”) რომელიც მისივე უბანში – ბუერში მდებარეობს.
„შალკეს“ ერთერთ პრეს–კონფერენციაზე ნოიერმა ვერ შეძლო ცრემლების შეკავება.

როგორ დადნა მიუნხენური ყინული

2011 წლის ზაფხულში „ბაიერნმა“ ნოიერი 27,5 ევროდ შეიძინა. იმ დროისათვის მანუელი უკვე ვარსკვლავი იყო, მან არაჩვეულებრივად ითამაშა 2010 წლის მსოფლიო ჩემპიონატზე. თუმცა უნდა აღინიშნოს ისიც, რომ „ბაიერნში“ ნოიერს არაკეთილმოსურნენიც ჰყავდა. საქმე იმაშია, რომ "რეკორდმაისტერის" ქომაგებს ერჩივნათ, რომ „ბაიერნის“ მეკარე კვლავაც ტომას კრაფტი ყოფილიყო და კატეგორიულ უარს აცხადებდნენ ნოიერის კარში ჩადგომაზე. 2011 წლის გაზაფხულზე, როცა ერთმანეთს „ბაიერნი“ და „შალკე“ უპირისპირდებოდნენ, ათასობით მიუნხენის გულშემატკივარმა აწია პლაკატი მოთხოვნით: „არავითარი ნოიერი!“ ვიღაცამ შეაბრუნა ტრანსპარანტი: „ითამაშებ იმათთვის, ვინც დაგცინის და გამცირებს? შენ არანაირი სიამაყე არ გაგაჩნია,“შალკეს“ღორო?“ 90 წუთის განმავლობაში მანუელს სხვადასხვა ნივთებს ესროდნენ ტრიბუნებიდან, ვიღაც „სნაიპერმა“ კი მეკარეს ლუდის ჭიქა მოახვედრა. მატჩის შემდეგ „ბაიერნის“ გენერალურმა დირექტორმა, კარლ-ჰაინც რუმენინგემ მანუელ ნოიერს საჯარო ბოდიში მოუხადა გულშემატკივართა ქცევის გამო. როდესაც მეკარე მიუნხენში გადავიდა, ულტრასები ითხოვდნენ, რომ მას არასოდეს ეკოცნა კლუბის ემბლებისთვის და არ აღენიშნა გამარჯვებები სამხრეთ ტრიბუნის გულშემატკივრებთან ერთად. ნოიერი მაშინ დაიცვა კაპიტანმა – ლამმა, რომელმაც სიტყვით მიმართა გულშემატკივრებს. შეგიძლიათ, წარმოიდგინოთ, რა რეაქცია ჰქონდა მიუნხენურ ტრიბუნებს ნოიერის შეცდომასთან დაკავშირებით თავისივე სადებიუტო მატჩში ბუნდესლიგაში, როდესაც „ბაიერნი“ თამაშობდა მენხენგლადბახის „ბორუსიას“წინააღმდეგ და დამარცხდა ანგარიშით – 0:1?! თუმცა მანუელი სულით არ დაეცა და უკვე პირველივე სეზონში მიუნხენური კლუბის კარში 1147 წუთის განმავლობაში არც ერთი გოლი არ გასულა. დროთა განმავლობაში ბავარიელ გულშემატკივართა გულებში ყინული, რა თქმა უნდა, დადნა.


„შალკეს“ გულშემატკივრები მანუელ ნოიერს გელზენკირხენში დარჩენისკენ მოუწოდებდნენ.


ანტი–ტიტანი

„ანტი–ტიტანი“ – ხანდახან ასეც მოიხსენიებენ ნოიერს, როდესაც ადარებენ ოლივერ კანს. სუპერტემპერამენტის მქონე კანისგან განსხვავებით, ნოიერი ისეთ შთაბეჭდილებას ტოვებს, თითქოს საერთოდ მოკლებულია ემოციებს. მთელი მატჩის განმავლობაში მანუელს სურათები რომ გადაუღოთ, შენიშნავთ, რომ, ფაქტობრივად, მისი სახე უცვლელი, მშვიდი დარჩება... თუმცა, როგორც კანს, ნოიერსაც გააჩნია იმის შესაძლებლობა, რომ სათამაშო განწყობა შეიქმნას. 

 

საბავშვო ფონდი

ნოიერი კათოლიკე ქრისტიანია, მან 2010 წელს შექმნა ბავშვთა დახმარების ფონდი. მომდევნო წლის ნოემბერში კი ტელეარხ RTL–ზე მონაწილეობა მიიღო გადაცემაში „ვის უნდა გახდეს მილიონერი“, სადაც 500 ათასი ევრო მოიგო და მოგებული თანხა ბავშვთა ფონდში გადარიცხა.




 „ბაიერნის“ მომავალი მენეჯერი?

2013 წლის მარტში, მიუნხენური კლუბის პრეზიდენტმა, ული ჰიონესმა, "Kicker–თან" საუბრისას განაცხადა, რომ 10 წლის შემდეგ ნოიერს შეუძლია, „ბაიერნის“ მენეჯერი გახდეს. მოგვიანებით მანუელ ნოიერმა უპასუხა, რომ საინტერესოა მისთვის ასეთი სიტყვების მოსმენა... უფრო ადრე კი მანუელმა ისაუბრა იმის შესახებ, რომ იმყოფებოდა სასკოლო პრაქტიკაზე სარეაბილიტაციო ცენტრში და ის რომ მეკარე არ გამოსულიყო, შესაძლოა, ფიზიოთერაპია შეესწავლა.



ჩოგბურთელი

მანუელ ნოიერი ფეხბურთის პარალელურად 14 წლის ასაკში დაკავებული იყო ჩოგბურთით და თავის კუმირად ბორის ბეკერს თვლიდა. მანუ ერთ-ერთი გელზენკირხენული საჩოგბურთო კლუბის წევრია. ჩოგბურთში ნოიერის პარტნიორთა შორის არის ტონი ტაპალოვიჩი – „ბაიერნის“ მეკარეთა მწვრთნელი, რომელიც, ასევე, გელზენკერხენიდან გადმოვიდა მიუნხენში ნოიერთან ერთად. მანუელის სხვა სპორტული გატაცებებია – ბილიარდი, დარტსი და სამაგიდო ჩოგბურთი.

 

მოტოროლერი და ბანქო

მანუელი აღმერთებს მოტოროლერს – მიუნხენში პროდუქტების საყიდლად, ხოლო კარგ ამინდში არც ისე იშვიათად ვარჯიშზე წასასვლელად იყენებს მას, მაგრამ წვიმისას მანქანის ტარება უწევს. როცა პირველი ხელფასები დაერიცხა, დაიწყო ფულის შეგროვება, რათა ეყიდა Аudi А3. მისი კიდევ ერთი ჰობი ბანქოს თამაშია, უფრო კონკრეტულად კი „დურაკას“.


მანუელ ნოერი „მონსტრების უნივერსიტეტის“ გერმანულ ვერსიაში ფრენკ მაკკეის ახმოვანებს.

შხაპის ქვეშ მომღერალი

 მარსელ ნოიერი თავის ძმაზე, მანუელზე, ერთი წლით დიდია. ისიც ჩნდება მწვანე გაზონზე, თუმცა არა როგორც მეკარე, არამედ – როგორც არბიტრი. „მანუელმა წარმატება დაიმსახურა, – ამბობს მარსელი. – ბევრ რაღაცაზე თქვა უარი, რაზეც მე, მაგალითად, უარს ვერ ვიტყოდი. მისთვის არსებობდა მხოლოდ სკოლა და ფეხბურთი.“ უმცროსი ნოიერი ძმას კარაოკეში ეჯიბრებოდა. მანუელს, საერთოდ, უყვარს შხაპის მიღებისას სიმღერა – ხშირად კი აბაზანაში მღერის ცნობილ სიმღერას მიუზიკლიდან „წვიმის ქვეშ მომღერალნი.“


მელომანი

რას უსმენს მანუელ ნოიერი? ფაქტი შემდეგნაირია: გერმანელის საყვარელი ჯგუფია  U2, საყვარელი სიმღერა – „No Games”, რომელსაც ასრულებს იამაიკელი მუსიკოსი Serani.

მანუელი და ნინა

 

პირადი ცხოვრება

2009 წელს ნოიერი ხვდებოდა კატრინ გილხს, რომელიც სამოდელო ბიზნესით არის დაკავებული. წყვილმა ერთმანეთი გერმანიის ნაკრების ერთ-ერთ თამაშზე გაიცნო. ორმხრივი სიმპათია ჯერ მეგობრობაში გადაიზარდა, ხოლო შემდგომ რომანტიკული ურთიერთობის სახე მიიღო. გარკვეული დროის განმავლობაში კატრინი მანუელთან ცხოვრობდა გელზენკიერხენში. თუმცა მალე ნოიერს მოუწია ბარგის ჩალაგება და წყვილი მიუნხენში, კატრინის მშობლიურ ქალაქში, გადავიდა საცხოვრებლად. არსებობს ჭორი იმის შესახებ, რომ საყვარელ გოგონასთან ახლოს ყოფნის სურვილმა განაპირობა ის ფაქტი, რომ ნოიერი „შალკედან“ „ბაიერნში“ გადავიდა. კატრინი არ ტოვებდა მანუელის არც ერთ თამაშს. როგორც ამბობენ, მინდორზე გამოსვლისას ნოერი თვალებით ყოველთვის ეძებდა ტრიბუნებზე თავის შეყვარებულს. იმდენად სერიოზული იყო კატრინისა და მანუელის ურთიერთობა, რომ პრესა ემზადებოდა მოსალოდნელი ქორწილისთვისაც კი, თუმცა ჩვენთვის უცნობი მიზეზების გამო ნოიერი და კატრინი დაშორდნენ.


გარკვეული დროის შემდეგ ფეხბურთელის ცხოვრებაში გამოჩნდა გოგონა სახელად –ნინა, რომელიც მანუელმა გაიცნო დისკოტეკაზე, სადაც „ბაიერნის“ ერთ-ერთ გამარჯვებას აღნიშნავდნენ.



სტილი და სამზარეულო

რადგან ნოიერის ცხოვრება ფეხბურთთან არის დაკავშირებული, ძირითადად სპორტულ ტანსაცმელს ატარებს. დასვენებისას კი უპირატესობას თავისუფალ სტილს ანიჭებს. დახეული ჯინსები და მაისური ან სპორტული კოსტუმი – ზუსტად ასეთად ხედავენ ხშირად ნოიერს. მისი ვარცხნილობა, ფაქტობრივად, უცვლელია, ზოგიერთი სხვა ფეხბურთელებისგან განსხვავებით, არასოდეს ჩაუტარებია თმის ფერზე ექსპერიმენტები. რაც შეეხება სამზარეულოს, მანუელ ნოიერს ძალიან უყვარს იტალიური კერძები.


ანი დევიძე, სპეციალურად Bayern.ge-სთვის
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
მანუელ ნოიერი ბლოგი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა