ტურინის "იუვენტუსის" რადარზე მიუნხენის "ბაიერნის" ლიდერი, მანუელ ნოიერი გამოჩნდა.
ფრანგული გამოცემა France Football-ის ინფორმაციით, "ბებერი სინიორა" სერიოზულად არის დაინტერესებული კლუბის კაპიტნის გადაბირებით და ტრანსფერზე მუშაობაც უკვე დაწყებულია.
წყაროს ცნობით, "იუვენტუსი" მზადაა ნოიერს ყველანაირი მოთხოვნა შეუსრულოს, იმ შემთხვევაში, თუ ის კლუბის დატოვებას გადაწყვეტს.
შეგახსენებთ, რომ ზაფხულში ნოიერის აგენტმა განაცხადა, რომ "ბაიერნი" ელიტ კლუბების რიცხვში აღარ შედის. გარდა ამისა, გუნდის კაპიტანი ახალი კონტრაქტის გაფორმებასაც აჭიანურებს, რაც მისი წასვლის შანსებს კიდევ უფრო ზრდის.