კროოსი რეალში გადასვლა ჩემი საუკეთესო გადაწყვეტილებაა

გერმანიის ეროვნული ნაკრების ცენტრალურმა ნახევარმცველმა, ტონი კროოსმა, მიუნხენურ გრანდში გატარებულ პერიოდზე ისაუბრა.

"რეალში" გადასვლა ჩემს ცხოვრებაში საუკეთესო გადაწყვეტილება იყო. როდესაც "რეალში" ერთადერთი გერმანელი ხარ, გაცილებით დიდ ყურადღებას იქცევ, ვიდრე როდესაც "ბაიერნში" შვიდიდან ერთ-ერთი ხარ. ის რაც მადრიდში მაქს, "ბაიერნში" არასოდეს მქონია.

რამდენად რეალურია, რომ "ბაიერნმა" ჩემპიონთა ლიგა კვლავ მოიგოს უახლოეს წლებში? ამაზე ორი აზრი არ არსებობს. 2018 წელს ნახევარფინალში "ბაიერნი" ჩვენზე უკეთესი გუნდი იყო, ამიტომ რა თქმა უნდა, მათ შეუძლიათ, რომ მომდევნო წლებში კვლავ გავიდნენ 1/2 ფინალში.

ჰიონესმა აღიარა, რომ ჩემი გაშვება შეცდომა იყო? ეს არ მჭირდება. ჩემთვის ისედაც ცხადია, რომ ეს შეცდომა იყო, ვინაიდან გუნდისათვის ძალიან მნიშვნელოვანი ფიგურა ვიყავი და კიდევ უფრო მნიშვნელოვანი ვიქნებოდი. მიუნხენში კარგი პერიოდი მქონდა", - განაცხადა ტონი კროოსმა.

29 წლის ტონი "ბაიერნის" აღზრდილია და მიუნხენური კლუბის ღირსებას 2014 წლამდე იცავდა. მსოფლიო თასის შემდეგ ის მადრიდის "რეალმა" 30 მილიონ ევროდ შეიძინა.