...

სტადიონი

გრიუნვალდისა და ოლიმპიური სტადიონის შემდეგ, "ალიანს არენა" მიუნხენური კლუბის მდიდარ ისტორიაში მესამე, მაგრამ ყველაზე გასაოცარი სტადიონია. ევროპის ყველაზე თანამედროვე და ლამაზი არენა სწორედ ჩრდილოეთ მიუნხენში მდებარეობს და 70 000 მაყურებელს იტევს.

66 500 კვადრატულ მეტრიანი გარე ფასადი 2760 ულამაზესი ალმასის ფორმის ბალიშებითაა მოპირკეთებული, რომელიც ტურისტების ყურადღებას მარტივად იქცევს. ღამით კი "ალიანს არენა" საუკეთესო სანახავია, როდესაც ბალიშები წითლდება და უნიკალური სანახაობა იქმნება. აღსანიშნავია ისიც, რომ არქიტექტორებმა იდეალური ატმოსფეროს შექმნაზეც იზრუნეს და სტადიონზე საკმაოდ ძლიერი აკუსტიკაა, რისი წყალობითაც ქომაგების მცირე ხმაურიც კი მარტივად ედება მთელ სტადიონს.

არავისთვის გასაკვირი არ არის, რომ "ალიანს არენაზე" მუდამ ანშლაგია და ბუნდესლიგის ყოველი საშინაო შეხვედრის წინ ბილეთები ასი პროცენტით იყიდება. სეზონის განმავლობაში სტადიონს, დაახლოებით, ორი მილიონი ტურისტი სტუმრობს. 2012 წლიდან კი არენაზე კლუბის მუზეუმი გაიხსნა, რამაც ვიზიტორების რაოდენობა, ბუნებრივია, საგრძნობლად გაზარდა.

"ალიანს არენას" აშენების იდეა მიუნხენმა 2001 წლის შემოდგომაზე მიიღო, როდესაც მოსახლოების 65,8% ამ პროექტს დათანხმდა. პირველი აგური კი 2002 წლის 21 ოქტომბერს დაიდო. სამ წელიწადში კი, 2005 წლის 31 მაისს, "ბაიერნმა" გერმანიის ეროვნულ ნაკრებს უმასპინძლა და ახალი არენა საზეიმოდ გახსნა. არქიტექტორი ჟაკ ჰერცოგი და პიერ დე მურონი იყვნენ, რომელთაც მართლაც შთამბეჭდავი პროექტი შექმნეს, ფანტასტიკური გარე ფასადითა და თანამედროვე აღჭურვილობით.

დეტალური ინფორმაცია "ალიანს არენაზე"

ტევადობა
  • 71 137, სულ
  • დასაჯდომი ადგილები: 68 000
  • ქვედა იარუსი: 20 000
  • შუა იარუსი: 24 000
  • ზედა იარუსი: 24 000
  • ჩრდილო და სამხრეთ ფეხზე დასადგომი ადგილები: 13 740 (ფან-ზონისთვის)
  • ბიზნეს და მედია ადგილები: 2200
  • 106 VIP ოთახი და 1 347 დამატებითი ადგილი სტუმრებისთვის
  • 227 სპეციალური ადგილი უნარშეზღუდული ადამიანებისთვის
ავტო სადგომი
  • 9 800 საპარკინგე ადგილი (ევროპაში უდიდესი)
  • 1 200 საპარკინგე ადგილი სტადიონზე
  • 350 ავტობუსის საპარკინგე ადგილი
  • 130 საპარკინგე ადგილი უნარშეზღუდული ადამიანებისთვის
არენა შიგნიდან
  • დაახლოებით 6 500 მგამოყოფილია კვების დაწესებულებებისთვის
  • 28 ჯიხური და ორი ფანების რესტორანი (თითოეული 1500 ადამიანს იტევს)
  • პრესის კლუბი (დაახლოებით 350 ადგილი)
  • შერეული ზონები - 520 მ2
  • ოფისები და საკონფერენციო დარბაზები
  • დიდი და კომფორტული მედია ცენტრები
  • კომპიუტერული გასართობები ბავშვებისთვის
  • 54 ბილეთების ჯიხური
  • ბაიერნის მუზეუმი
  • ბაიერნის მეგამაღაზია და ფან-შოპი
  • გამოსაცვლელი ოთახები: ბაიერნისთვის; ორი მეტოქეებისთვის; ოთხი მწვრთნელებისთვის; ორი მსაჯებისთვის
  • ორი სავარჯიშო დარბაზი (თითო 110 მ2)
მოედანი და ინტერიერი
  • მოედნის ზომები: 68x105
  • გაზონით დაფარული სრული ტეროტიროა: 72x111
  • სტადიონის მთლიანი გარშემოწერილობა: 120x83
  • ტრიბუნების დაშორება მოედნიდან: 7,2 მ
скачать софт

მატჩები


სატურნირო მდგომარეობა