მიუნხენის "ბაიერნმა" საფრანგეთის ეროვნულ ჩემპიონატში თავისი სამიზნეების სია გაფილტრა და ორი რჩეული გამოარჩია.
ცნობილი ფრანგული გამოცემა "France Football" იტყობინება, რომ "რეკორდმაისტერის" ხელმძღვანელობამ უარი თქვა ნაბილ ფეკირისა და ადრიენ რაბიოს ტრანსფერებზე.
ახლა "ბაიერნის" სამიზნეთა სიაში მარსელის "ოლიმპიკის" გარემარბი ფლორიან ტოვენი და "ლილის" ლიდერი ნიკოლა პეპე არიან.
26 წლის ტოვენმა მიმდინარე სეზონში სულ 27 მატჩი ჩაატარა, 14 გოლი გაიტანა და 5 ასისტი გააკეთა.
პრიორიტეტად კი რჩება 23 წლის პეპე, რომელიც მიმდინარე სეზონის აღმოჩენაა - 29 თამაშში 17 გოლი და 8 საგოლე გადაცემა.