ჩემპიონთა ლიგის პირველი 1/8 ფინალური შეხვედრა მატჩის მთავარმა გმირმა, სერჟ გნაბრიმ, შეაფასა.
"ვფიქრობ, მეტოქეზე საკმაოდ დიდი ზეწოლა განვახორციელეთ და საკუთარი შანსები ძალიან კარგად გამოვიყენეთ.
მე და ლევანდოვსკიმ წინ ძალიან კარგად ვითამაშეთ. მე ორი გოლი გავიტანე, მან ორი ასისტი გამიკეთა და ერთიც თავად შეაგდო.
როგორც ჩანს, ლონდონი მართლაც განსაკუთრებულია ადგილია. აქ ძალიან ბევრი მეგობარი მყავს, ისინი სტადიონზეც იყვნენ. მათ დამატებითი ენერგია მომცეს და თავადაც ნახეთ რა გამოვიდა", - განაცხადა 24 წლის გერმანელმა.
"ბაიერნმა" ლონდონში "ჩელსი" 3:0 გაანადგურა და გნაბრიმ დუბლი გაიფორმა.
აღსანიშნავია, რომ სერჟ გნაბრიმ, რომელიც ლონდონის "არსენალის" აღზრდილია, ჯგუფურ ეტაპზე "ტოტენჰემს" ლონდონში 4 გოლი გაუტანა.