დღეს მიუნხენის "ბაიერნის" ლეგენდარული ჰოლანდიელი თავდამსხმელის, როი მაკაის, დაბადების დღეა - როი 44 წლის გახდა.
როი მაკაი "რეკორდმაისტერის" ღირსებას 2003-07 წლებში იცავდა და საერთო ჯამში 178 თამაშში 102 გოლის გატანა მოახერხა.
როიმ "ბაიერნის" შემადგენლობაში 5 ტიტული მოიგო და მისი ყველაზე დასამახსოვრებელი მომენტი მადრიდის "რეალში" კარში მე-10 წამზე გატანილი ბურთია.
2006/07 წლების სეზონში, ჩემპიონთა ლიგის მერვედფინალურ ეტაპზე, ფელიქს მაგათის "ბაიერნი" მადრიდის "რეალს" დაუპირისპირდა.
მადრიდში მიუნხენელებმა 2:3 წააგეს, ხოლო მიუნხენში თამაშის დაწყებიდან 10 წამში ჰოლანდიელმა ფორვარდმა "ბაიერნი" წინ გაიყვანა.
მატჩი "ბაიერნმა" 2:1 მოიგო და მომდევნო ეტაპზე სტუმრად გატანილი მეტი გოლის წყალობით გავიდა, ხოლო მაკაის გატანილი ბურთი დღემდე ჩემპიონთა ლიგის ისტორიაში უსწრაფესი გოლია.