მიუნხენის "ბაიერნის" ყოფილმა კაპიტანმა და ცენტრალურმა ნახევარმცველმა, ლეგენდარულმა მიხაელ ბალაკმა, გერმანულ გრანდში ჟოზე მოურინიოს შესაძლო მოსვლაზე ისაუბრა.
"ამ მომენტისთვის მიუნხენის "ბაიერნის" მთავარი მწვრთნელი ნიკო კოვაჩია, რომელსაც ხალხმა პატივი უნდა სცეს. ის ხარისხიან სამუშაოს ასრულებს.
თუმცა არ შეიძლება იმის უარყოფა, რომ თუ ოდესმე ჟოზე მოურინიო "ბაიერნს" ჩაიბარებს, ეს კლუბსა და სრულიად ბუნდესლიგას ბრწყინვალებას შემატებს", - განაცხადა 42 წლის გერმანელმა.
56 წლის ლეგენდარული პორტუგალიელი სპეციალისტი ახლა უმუშევარია და მის სახელს "რეკორდმაისტერს" აქტიურად უკავშირებენ.
ჟოზე მოურინიოს ბუნდესლიგაში ნამუშევარი არ აქვს და მან უკვე გამოთქვა გერმანიაში გადაბარგების სურვილი.
მიხაელ ბალაკი ჟოზეს ლონდონის "ჩელსიდან" იცნობს. გერმანელი "ჩელსის" 2006 წელს შეუერთდა, როდესაც გუნდს სწორედ პორტუგალიელი წვრთნიდა.