"ბაიერნი" და "ლივერპული" ამომავალი ვარსკვლავის ტრანსფერისთვის იბრძვიან

ზაფხულის სატრანსფერო ფანჯრის დროს მიუნხენის "ბაიერნი" და მერსისაიდული "ლივერპული" ერთმანეთს დაუპირისპირდებიან.

გერმანული გამოცემა BILD-ის ინფორმაციით, ორივე კლუბი გლადბახის "ბორუსიას" ამომავალი ვარსკვლავის, ფლორიან ნოიჰაუსის შესაძენად იბრძვის.

როგორც ცნობილია, მიუნხენელები 23 წლის ნახევარმცველს დიდი ხანია აკვირდებიან და კმაყოფილები არიან მისი პროგრესით. ახლა კი სატრანსფერო ბრძოლაში "ლივერპულიც" ჩაერთო.

წყაროს ცნობით, ნოიჰაუსის ტრანსფერისთვის ბორუსიული კლუბი 40 მილიონ ევროს ითხოვს.