ფლიკის პირველი კომენტარი "უნიონთან" მატჩის შემდეგ

მიუნხენის "ბაიერნის" მთავარმა მწვრთნელმა, ჰანს ფლიკმა "უნიონთან" ფრედ დასრულებული მატჩის შემდეგ პრესასთან ისაუბრა.

"სამწუხაროა, რომ მატჩის ბოლო წუთებში გოლი გავუშვით. უფრო სამართლიანი იქნებოდა 1:0 მოგვეგო. ახალგაზრდებმა კარგი მატჩი ჩაატარეს."

"ტიაგო ძალიან კარგად გამოიყურებოდა ბურთთან ერთად. სტანისიჩი კი საკმაოდ თავდაჯერებული იყო. საერთო ჯამში, მათი გამოსვლით კმაყოფილი ვარ."

"ლეონის შემთხვევაში საქმე კუნთის ტრავმასთან გვაქვს და გარისკვა არ შეიძლება. რაც შეეხება ლუკასს, არ გამოვრიცხავ სამშაბათს ითამაშოს."

"პსჟსთან შეხვედრამდე ჯერ კიდევ დრო არის დარჩენილი, რომელსაც მოსამზადებლად გამოვიყენებთ. დაკარგული არაფერია, ყველაფერს გავაკეთებთ წარმატების მისაღწევად." - აცხადებს ფლიკი.