მიუნხენის "ბაიერნის" რამდენიმე ფეხბურთელმა "ლივერპულთან" დაკავშირებით საკუთარი აზრის დაფიქსირება გადაწყვიტა.
ნიკლას ზიულე: " რა თქმა უნდა, მოუთმენლად ველოდებით ამ თამაშს. ეს ჩვენთვის არაჩვეულებრივი შანსია, რათა ვაჩვენოთ, თუ როგორი გუნდი ვართ. ეს დუელი მოგვცემს შანსს, დავუმტკიცოთ ყველას, რომ ჩვენ ძლიერები ვართ."
რობერტ ლევანდოვსკი: " ჩვენ კარგად უნდა ვფლობდეთ ბურთს, შევუტიოთ, დავრჩეთ მშვიდად და, იმედია, კარგ შედეგსაც მივიღებთ."
მატს ჰუმელსი: " ჩემთვის სულერთია, ამბობს თუ არა ვინმე, რომ ის ფავორიტია. არაფერს ნიშნავს ის, რომ შენ ხარ ფავორიტი თამაშში, ამასთან, არც იმას აქვს უპირატესობა, ვინც აუტსაიდერად ითვლება. "ლივერპული" - გამოჩენილი გუნდია. არ არსებობს მიზეზი იმისა, რომ ამაში ვინმეს ეჭვი შეეპაროს, ბოლოსდაბოლოს, წინა წელს მათ ფინალამდე მიაღწიეს, ახლა კი, პრემიერ-ლიგის ლიდერები არიან. მე აქ ერთხელ ვითამაშე. ატმოსფერო, მართლაც, გასაოცარია, შენ უნდა იბრძოლო 90 წუთის განმავლობაში ან დამარცხდე. ეს იქნება ნამდვილი გამოცდა."
"ბაიერნი" "ლივერპულს" 19 თებერვალს, თბილისის დროით 00:00 საათზე, დაუპირისპირდება.