"ბაიერნის" პრეზიდენტი: "ლევანდოვსკი ოქროს ბურთის მოგების ერთ-ერთი ფავორიტია"

"მიუნხენის ბაიერნის" პრეზიდენტმა, ჰერბერტ ჰაინერმა, ოქროს ბურთთან დაკავშირებით ლევანდოვსკის შანსებზე ისაუბრა.

"ჩემი აზრით რობერტი მსოფლიოს საუკეთესო თავდამსხმელია და ვამაყობ, რომ ის ჩემს გუნდში თამაშობს, მას მხოლოდ გასულ სეზონში არ გაუბრწყინია, ის ყოველთვის სტაბილური და საუკეთესო იყო." განაცხადა ჰაინერმა.

"სულ ახლახანს, ფიფამ ის საუკეთესო ფეხბურთელად დაასახელა, შემდეგ მან ბუნდესლიგაში გერდ მიულერის რეკორდი დაამხო და ევროპაში საუკეთესოდაც დასახელდა. სწორედ ამიტომ, მიმაჩნია, რომ ის ოქროს ბურთის ფავორიტებს შორის ირიცხება.“ წერს SPOX ჰერბერტის პირით.

ლევანდოვკი ოქროს ბურთის მოგების მთავარი კანდიდატი 2020 წელსაც იყო, მაგრამ მწვავე პანდემიის გამო „ფრანც ფუტბოლმა“ ამ ჯილდოს გადაცემა იმ წელს შეაჩერა. ამან შეიძლება წლევანდელ დაჯილდოებაზე რაღაც ზეგავლენა მოახდინოს, პოლონელის მთავარ კონკურენტებად ლეონ მესი და ჟორჟინიო ითვლებიან, რომლებსაც სანაკრებო ტიტულები უჭირავთ ხელში.