24 სექტემბერს, გერმანიის ბუნდესლიგის მე-6 ტურის შეხვედრაში, ბაიერნი სტუმრად გროიტერ ფიურტის დაუპირისპირდება.
მატჩამდე ერთი დღით ადრე, რეკორდმაისტერის მეკარემ მანუელ ნოიერმა პრესკონფერენცია გამართა, სადაც გუნდის მომზადების პროცესზე და მთავარ მწვრთნელზე ისაუბრა:
'ჩვენ ყოველთვის კარგად ვართ მომზადებული - ძალიან ბევრს და ინტენსიურად ვვარჯიშობთ. ეს არის გასაღები იმისა, რომ ყოველი მატჩის წინ მზად ვიყოთ. იულიანი და მისი თანამშრომლები ამას ძალიან კარგად აკეთებენ.
ნაგელსმანი ყოველთვის ძალიან გულმოდგინედ მუშაობს - ჩვენ ყოველი მატჩის წინ, უამრავ ინფორმაციას ვიღებთ ოპონენტების შესახებ.
ისეთი გუნდების წინააღმდეგაც, როგორებიც ბოხუმი და ფიურტი არიან, ზუსტად იმავე ღრმა ანალიზს ვაკეთებ, როგორც ჩემპიონთა ლიგაზე ბარსელონასთან მატჩამდე იყო', - თქვა ნოიერმა.