ხვალ, 29 სექტემბერს, ჩემპიონთა ლიგის ჯგუფური ეტაპის მეორე მატჩში, ბაიერნი შინ დინამო კიევს მიიღებს.
მატჩამდე ერთი დღით ადრე, რეკორდმაისტერის მთავარმა მწვრთნელმა, იულიან ნაგელსმანმა პრესკონფერენცია გამართა, სადაც ჟურნალისტების კითხვებს უპასუხა.
'თამამად შეგვიძლია ვთქვათ, რომ ჩვენ ჩემპიონთა ლიგის მოგების ერთ-ერთი მთავარი პრეტენდენტები ვართ. თუ ვინმეს ამ ტიტულის მოგება სურს, საბოლოო ჯამში, ყველაზე მეტი თამაშიც უნდა მოიგოს, ჩვენ სწორედ ამის გაკეთებას ვაპირებთ', - თქვა ნაგელსმანმა.