ჩემპიონთა ლიგაზე, ჯგუფური ეტაპის მეორე ტურის მატჩში, კიევის დინამოსთან 5:0 გამარჯვების შემდეგ, ბაიერნის მთავარმა მწვრთნელმა ჟურნალისტებთან ისაუბრა და აღნიშნული შეხვედრა შეაფასა:
'საკუთარ თავში დარწმუნებულები ვართ. თუმცა, მიგვაჩნია, რომ მეტი შეგვიძლია - მეხუთე გოლის შემდეგ კიდევ გვინდოდა გატანა.
ცხადია, შედეგით კმაყოფილი ვარ. სწრაფი გოლის შემდეგ, კონცენტრაციისა და ყურადღების შენარჩუნება იოლი არ არის. აღნიშნულ შეხვედრაში, ყველა გემოვნების ბურთი გავიტანეთ.
მნიშვნელოვანია ასევე ისიც, რომ საკუთარ კარში გოლი არ გავუშვით', - თქვა ნაგელსმანმა.