ბოლო დროს გავრცელებული ინფორმაციის თანახმად, კინგსლი კომანის ბაიერნიდან წასვლის ალბათობა მაღალია.
როგორც გერმანულ გამოცემებში იწერება, ფრანგი ფეხბურთელი კლუბისგან მეტ დაფასებას ითხოვს. იგი ბაიერნთან კონტრაქტს მხოლოდ იმ შემთხვევაში გაახანგრძლივებს, თუ გერმანული კლუბი მას ხელფასს გაუზრდის.
თუ იგივე გამოცემების ინფორმაციებს დავეყრდნობით, ნაკლებ სავარაუდოა, რომ ბაიერნმა ფეხბურთელს ეს მოთხოვნა დაუკმაყოფილოს.
bild-ი წერს, რომ ბაიერნი 25 წლის ფეხბურთელის გაყიდვას მომავალ ზაფხულს შეეცდება, რადგან ეს მის სანაცვლოდ გარკვეული თანხის მიღების ბოლო შესაძლებლობა იქნება.
კინგსლი კომანს, ბაიერნთან არსებული კონტრაქტის ვადა 2023 წლის ზაფხულში ეწურება, ფეხბურთელი გერმანულ transfermarkt-ს 65 მილიონ ევროდ ყავს შეფასებული.