მიუნხენის ბაიერნის და საფრანგეთის ეროვნული ნაკრების მცველმა, ბენჟამინ პავარმა ფრანგი გულშემატკივრების მხრიდან ყურადღების ნაკლებობაზე ისაუბრა:
'როგორც ფრანგს, სამშობლოში მეტი წარმატების მიღწევა მსურს, რათა იქ ხალხი უფრო ყურადღებით დააკვირდეს ჩემს თამაშს. თუმცა, ამ სურვილის გამო, არ შემიძლია ხალხს ბუნდესლიგის ყურება ვაიძულო.
მიუხედავად ამისა, საფრანგეთში ბევრია ისეთი ქომაგი, ვინც რეგულარულად უყურებს ჩემ თამაშს და კარგად იციან ჩემი ძლიერი თუ სუსტი მხარეები.
საფრანგეთი ადრეულ ასაკში დავტოვე, ისე რომ ლიგა 1-ში საკმარისი დრო არ გამიტარებია. ფრანგმა გულშემატკივრებმა ჩემზე პრაქტიკულად არაფერი იციან - და თუ იციან, მხოლოდ რუსეთში გატანილი გოლის გამო. ამის შემდეგ, მათგან რაღაც დოზით ყურადღება მაინც დავიმსახურე', - განაცხადა პავარმა.