ხვალ, 20 ოქტომბერს, ბაიერნი ჩემპიონთა ლიგის ჯგუფური ეტაპის მესამე მატჩს, ბენფიკას წინააღმდეგ, სტუმრად გამართავს.
მატჩამდე ერთი დღით ადრე, ბაერნის მთავარ მწვრთნელთან ერთად, პრესკოფნერეცია გუნდის მცველმა დაიოტ უპამეკანომაც გამართა, რომელსაც ოქროს ბურთის მოგების შესაძლო კანდიდატებზე, რობერტ ლევანდოვსკიზე და კარიმ ბენზემა ჰკითხეს:
'ორივე იმსახურებს ამ ჯილდოს. ისინი საუკეთესოები არიან და ამას ყოველწლიურად აჩვენებენ. თუ ლევანდოვსკი გაიმარჯვებს, ბედნიერი ვიქნები - მაგრამ თუ ბენზემა გაიმარჯვებს, მაშინაც ბედნიერი ვიქნები', - თქვა ფრანგმა მცველმა.
შეგახსენებთ, უპამეკანო ბაიერნში ლევანდოვსკის თანაგუნდელია, საფრანგეთის ეროვნულ ნაკრებში კი ბენზემასთან ერთად გამოდის.