მესის რჩევა France Football-ს - ლეომ ოქროს ბურთის მოგების შემდეგ ლევანდოვსკის მიმართა

პარიზში 2021 წლის ოქროს ბურთის დაჯილდოების ცერემონია შედგა. France Football-მა წლის საუკეთესო მოთამაშედ პსჟ-ს არგენტინელი შემტევი ლიონელ მესი დაასახელა, რომელმაც გამოკითხვაში მიუნხენის ბაიერნის პოლონელ ფორვარდს, რობერტ ლევანდოვსკის აჯობა და ოქროს ბურთი კარიერაში მეშვიდედ მოიგო.

'აქ ყოფნით თავს დიდებულად ვგრძნობ. 2 წლის წინ ჩემთვის გავიფიქრე, რომ ალბათ ამ სცენაზე კარიერაში უკანასკენლად ვიდექი. ძალიან ბედნიერი და აღფრთოვანებული ვარ, მინდა, რომ ახალი გამოწვევებისთვის ვიბრძოლო.

მსურს ბარსელონასა და პსჟ-ში ჩემს თანაგუნდელებს მადლობა გადავუხადო. აქამდე ისეთი გრძნობა მქონდა, თითქოს არგენტინასთან ერთად რაღაც მაკლდა, თუმცა წელს ეს დანაკლისი შევივსე.

ამ ტიტულის მოგებაში დიდი როლი კოპა ამერიკის მოგებამ ითამაშა. ჩემთვის დიდი პატივი იყო, რომ ყველაზე პრესტიჟული ინდივიდუალური ჯილდოს მოგებისთვის რობერტ ლევანდოვსკისთან ერთად ვიბრძოდი.

ჩემთვის დიდი პატივი ყო შენთან კონკურენცია. ვფიქრობ, France Football-მა 2020 წლის ოქროს ბურთი შენ უნდა გადმოგცეს, შენ ეს დაიმსახურე. ოქროს ბურტი სახლში შენც უნდა გქონდეს', - განაცხადა ლეო მესიმ.